Aleksandr Ŝevĉenko

Aleksandr Ŝevĉenko
	; elstara sovetia kaj rusia esperantisto, fondinto kaj ĝenerala direktoro de eldonejo Impeto, redaktoro, tradukisto, verkisto
Persona informo
Naskiĝo	13-a de septembro 1957; en Moskvo, Sovetunio
Morto	24-an de novembro 2012; en Moskvo, Rusio
Lingvoj	Esperanto
Ŝtataneco	Rusio
Familio
Edz(in)o	Elena Ŝevĉenko
Infano	Dima Ŝevĉenko
Okupo
Okupo	esperantisto • redaktisto • surveyor
Esperanto
Aliaj aktivaĵoj
	v • d • r

Aleksandr ŜEVĈENKO (naskita la 13-an de septembro 1957; mortinta la 24-an de novembro 2012) estis esperantisto kaj eldonisto de Rusio.

Biografio[redakti | redakti fonton]

En 1979 Aleksandr Ŝevĉenko, studento pri aerfotado en Moskva Instituto de Geodezio kaj Kartografio, partoprenis en Esperanto-kurso de Irina Gonĉarova en Moskvo kaj esperantistiĝis. Siajn inĝenierajn studojn li finis en 1980.

Ekde 1982 li estis redaktoro de presagentejo APN. De 1989 ĝis la disfalo de Sovetunio li laboris por la Esperanto-fako de la ŝtata Moskva eldonejo Progreso. En 1992 li kaj lia edzino Elena fondis la esperantistan eldonejon Impeto. En 1994 li finstudis ĵurnalistikon en Moskva Ŝtata Universitato kaj transprenis la taskon de Ĝenerala Direktoro de la eldonejo, kiun li plenumis ĝis la morto; li eldonis pli ol 200 librojn, plejparte en aŭ pri Esperanto.

Aleksandr estis kunredaktoro de Esperanto-ĵurnalo Moskva gazeto, kiu aperadis en 1990-1995.

Li estas kompilinto de Rusa-esperanta kaj Esperanto-rusa vortaroj, kies paperaj eldonoj nuntempe estas vaste uzataj por Esperanto-kursoj en rusparolantaj landoj. Li ankaŭ kompilis "Rusa-esperantan biblian frazaron"^[1].

En 2007 li verkis origine en Esperanto "Ilustritan enciklopedion de akvariaj fiŝoj".

En 2008 li tradukis kaj eldonis la romanon de Vladimir Varankin "Metropoliteno". Li uzis pseŭdonomon A. Aleksandrov, kiun indikis kiel tradukiston de la libro.

Lia filo Dima kaj vidvino Elena daŭrigis la eldonistan laboron. Elena Ŝevĉenko forpasis en septembro 2015.