Aleksandro Suvorov

El Vikipedio, la libera enciklopedio
Salti al navigilo Salti al serĉilo
Aleksandro Suvorov

A. Suvorov ĉe la komputilo

A. Suvorov ĉe la komputilo
Naskiĝo 3-a de junio 1953
en Frunze (nun Biŝkeko), Kirgiza SSR, Sovetunio
Civitaneco Sovetunio
Nacio ruso
Kampo psikologiopedagogio • philosophy of psychology
Alma mater MŜU
Doktoreca konsilisto Felix Mikhailov
v  d  r
Information icon.svg

Aleksandro Suvorov (ruse: Александр Васильевич Суворов, naskiĝis je la 3-a de junio 1953 en Frunze (nun Biŝkeko), Kirgiza SSR, Sovetunio) estas rusa psiĥologo, pedagogo kaj poeto. Li estas aŭtoro de multaj sciencaj skriboj kaj artikoloj pri psiĥologio, pedagogio kaj psiĥologia filozofio, doktoro de psiĥologio ekde 1996. Ekde sia infanaĝo li estas blindsurda.

Biografio[redakti | redakti fonton]

Aleksandro Suvorov tute blindiĝis, kiam li estis 4-jaraĝa. En 1962 li surdiĝis. Ekde tiu jaro li studis kaj estis edukita en la speciala infanejo por blindsurduloj en Zagorsk (Moskva provinco).

En 1971 oni elektis lin por partopreni en la eksperimento pri la edukado de la blindsurduloj en universitato. La eksperimento estis organizita de la speciala grupo por edukado de la blindsurdaj infanoj de la scienceksplora instituto de defektologio (tiam parto de la Pedagogia Akademio de Sovetunio). Li studis en la filozofia fakultato de MŜU dum unu jaro, poste li studis en la psiĥologia fakultato de la sama universitato dum 19721977.