Alma Reville

El Vikipedio, la libera enciklopedio
Alma Reville
Persona informo
Naskiĝo 14-an de aŭgusto 1899 (1899-08-14)
en Nottingham
Morto 6-an de julio 1982 (1982-07-06) (82-jaraĝa)
en Bel Air
Lingvoj angla
Ŝtataneco Unuiĝinta Reĝlando (Britio)Usono
Familio
Edz(in)o Alfred Hitchcock
Infano Pat Hitchcock
Okupo
Okupo scenaristofilmmuntistoverkisto • filmaktoro • filma scenaristo
vdr

Alma Lucy REVILLE, Lady Hitchcock (14a de aŭgusto 1899 – 6a de julio 1982), estis angla scenaristo kaj filmomontisto, kaj edzino de la reĝisoro Alfred Hitchcock.[1] Ŝi verkis multajn scenarojn por la filmoj de sia edzo, kiel Shadow of a Doubt, Suspicion, Number Seventeen kaj The Lady Vanishes, same kiel scenarojn por aliaj reĝisoroj, kiel Henrik Galeen, Maurice Elvey, kaj Berthold Viertel.[2] La filmaro de Reville estas ege etenda estante listigita en multaj filmoj inter kiuj la plej famaj kaj bonkvalitaj de ŝia tempo.

Vivo kun Hitchcock[redakti | redakti fonton]

La 2an de decembro 1926, Hitchcock edziĝis al Alma Reville en la Bromptona Oratorio en Suda Kensington.[3] La paro iris por la mielmonato al Parizo, la Lago de Como kaj St. Moritz, antaŭ reveni al Londono kaj loĝis en luita etaĝo super la du etaĝoj de 153 Cromwell Road, Kensington.[4] Reville, kiu estis naskita nur kelkajn horojn post Hitchcock,[5] konvertiĝis el Protestantismo al Katolikismo, ŝajne pro insisto de la patrino de Hitchcock; ŝi estis baptita la 31an de majo 1927 kaj konfirmita en la Katedralo de Westminster fare de la kardinalo Francis Bourne la 5an de junio.[6]

En 1928, kiam ili eksciis, ke ŝi estas graveda, la familio Hitchcock aĉetis "Winter's Grace", nome Tudora biendomo de 11 akreoj en Stroud Lane, Shamley Green, Surrey, kontraŭ 2,500 pundoj.[7] Ili filino (kaj nura filo), Patricia Alma Hitchcock, naskiĝis la 7an de julio tiun jaron.[8]

Reville iĝis la plej proksima kunlaboranto de sia edzo; Charles Champlin verkis en 1982: "La produktado Hitchcock havis kvar manojn, kaj du el ili estis de Alma."[9] Kiam Hitchcock akceptis la Premion "AFI Life Achievement" (Vivatingoj) en 1979, li diris, ke li estis dezirinta mencii "kvar personojn kiuj havigis al mi plej amon, aprezon kaj kuraĝigon kaj konstantan kunlaboradon. La unua el kvar estas filmeldonisto, la dua estas scenaristo, la tria estas la patrino de mia filino, Pat, kaj la kvara estas tiom fajna kuiristo kiom plenumis miraklojn en hejma kuirejo. Kaj iliaj nomoj estas Alma Reville."[10]

Referencoj[redakti | redakti fonton]

  1. Anderson, John (18a de novembro 2012). "Alfred Hitchcock's Secret Weapon Becomes a Star". The New York Times.
  2. Unterberger, Amy (1999). The St James Women Filmmakers Encyclopedia. Farmington Hills, MI: Visible Ink Press.
  3. Spoto 1999, pp. 92–93.
  4. McGilligan 2003, pp. 89–90.
  5. Hitchcock & Bouzereau 2003, p. 15.
  6. Hitchcock & Bouzereau 2003, p. 48; Spoto 1999, paĝoj 92–93
  7. Spoto 1999, p. 115; Hitchcock & Bouzereau 2003, p. 55; "Alfred Hitchcock: A long way from the Bates Motel", The Daily Telegraph, 13a de aprilo 2008.
  8. Hitchcock & Bouzereau 2003, pp. 59–60.
  9. "Alma Reville Hitchcock, The Unsung Partner", Los Angeles Times, 29a de julio 1982.
  10. "Alfred Hitchcock Accepts the AFI Life Achievement Award in 1979" En Webarchive [1] 15a de junio 2020, American Film Institute, 16a de aprilo 2009, 00:03:14.

Literaturo[redakti | redakti fonton]