Amalriko la 1-a (Jerusalemo)

Amalriko la 1-a
Persona informo
Naskiĝo	1136 en Jerusalemo
Morto	11-an de julio 1174 (1174-07-11) en Jerusalemo
Mortis pro	naturaj kialoj [#]
Mortis per	disenterio [#]
Ŝtataneco	Jerusalema reĝlando [#]
Familio
Dinastio	Anĵua dinastio [#]
Patro	Fulk, reĝo de Jerusalemo [#]
Patrino	Melisendo de Jerusalemo [#]
Gefratoj	Matilda of Anjou • Sibylla • Gotfredo la 5-a • Elias II, Count of Maine • Baldueno la 3-a de Jerusalemo • Sibylla of Anjou [#]
Edz(in)o	Agnes of Courtenay • Maria Komnene [#]
Infanoj	Baldueno la 4-a de Jerusalemo • Sibylla • Elizabeto la 1-a de Jerusalemo [#]
Profesio
Okupo	monarko [#]
[#]	Fonto: Vikidatumoj

Amalriko (latine Amalricus, france Amaury; naskiĝis en 1136, mortis la 11-an de julio 1174) estis Reĝo de Jerusalemo ekde 1163, kaj Grafo de Jafo kaj Askalono antaŭ sia reĝiĝo. Li estis la dua filo de Melisendo kaj Fulko de Jerusalemo, kaj sukcedis sian pli aĝan fraton Baldueno la 3-a. Dum lia regado, Jerusalemo iĝis pli forte aliancita kun la Bizanca Imperio, kaj ambaŭ ŝtatoj lanĉis nesukcesan invadon de Egiptio. Dume, la islamaj teritorioj ĉirkaŭ Jerusalemo ekunuiĝis sub Nur ad-Din kaj poste sub Saladino. Li estis la patro de tri estontaj regantoj de Jerusalemo, nome Sibila, Baldueno la 4-a, kaj Isabela la 1-a.

Iamaj fakuloj miskomprenis la du nomojn Amalriko kaj Aimery kiel variantaj literumoj de la sama nomo, kaj tiel tiuj historiistoj erare aldonis nombrojn, kio faris Amalrikon "Amalriko la 1-a" (1163–74) kaj la reĝon Aimery (1197–1205) "Amalriko la 2-a". Nuntempaj fakuloj agnoskas, ke ambaŭ nomoj ne estis la sama kaj ne plu aldonas nombron por ĉiu reĝo. Konfuzo inter ambaŭ nomoj estis ofta eĉ inter nuntempuloj.