Ambirdo de Swindern
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Agapornis swindernianus | ||||||||||||||
| Konserva statuso | ||||||||||||||
 Indiĝena teritorio en ruĝa koloro
| ||||||||||||||
Aliaj Vikimediaj projektoj
| ||||||||||||||
La Ambirdo de Swindern kaj ankaŭ Nigrakola ambirdo (Agapornis swindernianus) estas specio de papagoforma verda birdo de familio Psittaculidae kaj genro de Ambirdoj, indiĝena de Centra Afriko. Ĝi havas ampleksan distribuon tra la afrika tropika pluvarbaro.[1] Ĝi estas plejparte verda papago kun nigra bendo sur la dorso de sia kolo, kaj malhelgrizec-nigra beko. Ambaŭ seksoj estas similaj. Ĝi malofte estas tenata en kaptiteco pro sia dieta bezono je indiĝena figo.[2]
Aspekto
[redakti | redakti fonton]Ĝi estas plejparte verda papago kun nigrakola nuko, brunruĝa brusto, grizeca nigra beko, flavaj irisoj kaj grizaj piedoj. Ambaŭ seksoj estas similaj.[2] Pli specife, la kapo estas plejparte verda, kun flava kolo kaj mallarĝa nigra malantaŭa kolumo.[3] Ĝia malsupra parto estas tre malhelblua, kaj la cetero de ĝia supra korpo estas malhelverda. La Agapornis swindernianus havas molajn nigrajn plumojn kaj oranĝruĝajn markojn sur siaj eksteraj vostoplumoj. La du seksoj estas similaj en sia koloro. La junaj birdoj ne havas la distingan nigran kolumon. La nederlanda profesoro Theodore van Swinderen de la Universitato de Groningen nomis la nigrakolan ambirdon en 1820. La birdo ricevas sian nomon de la "kolumo", identigebla pro nigraj plumoj ĉirkaŭ ĝia kolo, kiu similas al kolumformo. La zenkeri-etendaĵo de la specio havas sang-oranĝan strion sub ĝia distinga kolumo.[4]
Taksonomio
[redakti | redakti fonton]Estas tri subspecioj de la Ambirdo de Swindern:
- La nomiga subspecio, A. s. swindernianus – Liberio, Eburbordo kaj Ganao
- Kameruna Ambirdo de Swindern, A. s. zenkeri – Kameruno, Gabono kaj Kongo
- Ituri Ambirdo de Swindern aŭ Emina ambirdo, A. s. emini – Demokratia Respubliko Kongo kaj Ugando.
La Ambirdo de Swindern estis malkovrita de Heinrich Kuhl en 1820. La nomo estas omaĝo al la nederlanda profesoro Theodore van Swinderen de la Universitato de Groningeno.
Distribuado kaj habitato
[redakti | redakti fonton]Ĝi havas ampleksan distribuon tra la afrika tropika pluvarbaro. Ĝi vivas en arbaroj de Kameruno, Centrafrika Respubliko, Respubliko Kongo, Demokratia Respubliko Kongo, Eburbordo, Ekvatora Gvineo, Gabono, Ganao, Liberio kaj Ugando.[5] Ili kaŝas sin alte en la arbara kanopeo kaj karakteriziĝas kiel tre timemaj. La nigrakola ambirdo vivas ĉefe en maturaj kaj sekundaraj subtropikaj malaltebenaĵoj. Ĉi tiuj birdoj preferas medion proksiman al marnivelo, kie ili ne renkontas montojn aŭ montetojn. Ili ankaŭ ĝuas galeriajn arbarojn aŭ medion de arboj laŭlonge de akvejo. La nigrakolaj ambirdoj aparte preferas figarbojn kaj areojn senarbarigitajn. Troviĝas ofte en primaraj arbaraj arboj aŭ malofte en sekundaraj kreskaĵoj, depende de la foliarnivelo.[1]
Manĝado
[redakti | redakti fonton]La dieto de Agapornis swindernianus dependas de figaj semoj, afrikaj fruktoj Rauwolfia, Harungana, kaj Macaranga, kaj maizo el la arbara grundo. Ili estas konataj pro manĝado de olepalmo ĉe tagiĝo en malgrandaj grupoj kaj manĝado de semoj kaj beroj; insektoj, inkluzive de raŭpoj kaj skarabaj larvoj. Kvankam la Agapornis swindernianus manĝas manĝaĵojn trovitajn sur la grundnivelo, ili estas plejparte videblaj en arbopintoj super la kanopeoj, kio igas ilin tre malfacile videblaj birdoj.[1]
Referencoj
[redakti | redakti fonton]- ↑ 1,0 1,1 1,2 Collar, Nigel; Boesman, Peter F. D. (2020-03-04), Billerman, Shawn M.; Keeney, Brooke K.; Rodewald, Paul G. et al., eds., "Black-collared Lovebird (Agapornis swindernianus)" (in en), Birds of the World (Cornell Lab of Ornithology), doi:10.2173/bow.blclov2.01, https://birdsoftheworld.org/bow/species/blclov2/1.0/introduction, retrieved 2024-03-20
- ↑ 2,0 2,1 Le Breton, Kenny. (1992) Lovebirds...getting started. USA: T.F.H. Publications, p. [htt://archive.org/details/lovebirdsashobby00lebr/e/89 89–90]. ISBN 0-86622-411-4.
- ↑ (2018-05-25) “Lynx lynx: von Arx, M.”. doi:10.2305/iucn.uk.2018-2.rlts.t12519a134346234.en. Alirita 2024-03-20..
- ↑ (2016-05-26) “Toward quantification of the impact of 21st-century deforestation on the extinction risk of terrestrial vertebrates”, Conservation Biology 30 (5), p. 1070–1079. doi:10.1111/cobi.12715.
- ↑ BirdLife International (2018). "Agapornis swindernianus". IUCN Red List of Threatened Species. 2018: e.T22685338A130102440. doi:10.2305/IUCN.UK.2018-2.RLTS.T22685338A130102440.en. Alirita la 11an de Novembro 2021.
- Forshaw, Joseph M.. (2006) Parrots of the World; an Identification Guide, Bildo de Frank Knight, Princeton University Press. ISBN 0-691-09251-6.
- Species factsheet: Agapornis swindernianus. BirdLife International (2008). Alirita 9a de Julio 2008 .
Eksteraj ligiloj
[redakti | redakti fonton]- African Love Bird Society Arkivigite je 2009-04-16 per la retarkivo Wayback Machine internacia organizo por Ambirdoj.
| ||||||||||||||||||