Amuzparko

Amuzparko aŭ Distroparko estas centra loko kie grandaj kermeso-allogaĵoj estas kune lokitaj. Plej ofte la eniro estas pagenda. Allogaĵoj estas krom spektoradego kaj onda fervojo ofte teatroprezentoj kaj grandaj ludĝardenoj. En pli grandaj amuzparkoj estas restoracioj. Kelkaj amuzparkoj estas tiel grandaj, ke ne eblas ilin viziti kontentige ene de unu tago. Tial ili ofertas ankaŭ la eblecon tranokti en hotelo. Kelkaj estas tiom ampleksaj ke necesas specifaj transporto-sistemoj. Homtransportilo aŭ aŭtomata homtransportilo estas tipo de malsamnivela amasa transporto-sistemo. La termino estas ĝenerale uzata nur por priskribi sistemojn kiuj servas al relative malgrandaj areoj kiaj flughavenoj, urbocentraj distriktoj aŭ distroparkoj, sed estas foje aplikata al konsiderinde pli kompleksaj aŭtomatigitaj sistemoj.

Kelkaj konataj amuzparkoj

Aŭstrio

• Minimundus
• Prater

Belgio

• Bellewaerdepark en Ieper
• Bobbejaanland en Lichtaart
• Mini-Europe en Bruselo
• Plopsaland en De Panne
• Walibi en Wavre

Britio

• Legoland' Windsor

Danio

• Legoland' Billund

Francio

• Disneyland Parizo
• Terra Botanica norde de la urbo Angers

Germanio

• Centro-Park en Oberhausen, Nordrejn-Vestfalio
• Eŭropa Parko Rust en Rust, Baden-Virtembergo
• Legoland' Germanio en Günzburg, Bavario

Japanio

• Expoland en Suita, gubernio Osaka

Nederlando

• Efteling en Kaatsheuvel
• Madurodam en Scheveningen

Nord-Koreio

• Amuzparko Mangjongdae en Pjongjango

Svedio

• High Chaparral Temparko

Usono

• Disneyland en Kalifornio
• Disneyworld en Florido
• Dollywood en Tenesio