Anatolij Gonĉarov

El Vikipedio, la libera enciklopedio
Salti al navigilo Salti al serĉilo
Anatolij Gonĉarov
Persona informo
Naskiĝo 1-an de januaro 1940 (1940-01-01) (81-jara)
Lingvoj Esperanto
Ŝtataneco RusioSovetunio
Okupo
Okupo esperantisto
Wikidata-logo.svg
Information icon.svg
vdr

Anatolo (Anatolij Jevgenjeviĉ) Gonĉarov, ruse Анатолий Евгеньевич Гончаров (naskiĝis en 1940 en Siberio, Sovetunio) estas rusa doktoro pri kemio, ano de la Internacia Sciencista Kolegio de AIS San-Marino, senatano de la Esperanta Civito kaj korespondanto de la magazino Monato.

Li estis ankaŭ profesia esperantisto kaj fondinto de la Junulara Esperanto Movado en Sovetio (1964) kiu komence nomiĝis Adresaro de Junaj Esperanto-Aktivuloj (AJEA). En 1966 dum la unua konferenco apud Moskvo AJEA estis alinomita al Sovetia Esperantista Junulara Movado (SEJM), kies unua kaj revena prezidanto li poste estis. Li ankaŭ estis iama estrarano de ASE kaj iama komitatano de TEJO,

Biografio[redakti | redakti fonton]

Anatolij Gonĉarov esperantistiĝis en 1958 dum la studentaj jaroj, kiam li jam komencis esplori la literaturon en Esperanto kaj elskribi interesajn uzojn de vortoj kaj gramatikaĵoj. Li estis la kreinto de kelkaj Esperanto-kluboj, inkluzive de la Moskva Esperanto-klubon "Lev Tolstoj". Li multe okupiĝas pri tradukado kaj instruado de Esperanto.

En 1960 li ekinstruis Esperanton kaj ĝis 1980 instruis ĉiujare.

En 1987, dum la perestrojka periodo, kiam eblis i.a. profesie enspezi pro Esperanto-agado li forlasis sian karieron kaj iris al Moskvo por profesie instrui Esperanton. Tio daŭris ĝis 1991, kiam Sovetunio finiĝis.

Ekde la komenco de lia Esperanto-vivo, li dum pli ol 50 jaroj kompiladis kolekton de citaĵoj kun la uzoj de la sufikso -UM, eldonita kiel bitlibro sub la titolo “Tiu ĉumalofta sufikso -UM”[1],

Persone[redakti | redakti fonton]

Filino de Gonĉarov, Svetlana Gonĉarova, estas denaska esperantisto. Ŝi defendis en Moskvo magistran disertacion pri esperantologia temo.

Vidu ankaŭ[redakti | redakti fonton]

Molekuloj (libro)

Eksteraj ligiloj[redakti | redakti fonton]

Referencoj[redakti | redakti fonton]

Por tiu ĉi artikolo estas uzitaj materialoj el la libro Vojaĝo en Esperanto-lando de Boris Kolker kun afabla permeso de la aŭtoro.
  1. (eo) “Tiu ĉumalofta sufikso -UM”: nova libro senpage elŝutebla ĉe UEA", Gazetara Komuniko de UEA, n-ro 952 (2021-05-15)