Argonaŭtoj
La Argonaŭtoj (greke: Ἀργοναῦται) estas grupo de 55 helenaj herooj, kiu partoprenis sub la gvidado de Jazono al la ekspedicio en Kolĥidon por preni la Oran Ŝaffelon. La kolektiva nomo devenas de Argo, kiu estas la nomo de la ŝipo, kaj la grupo entenas la plej famajn mitologiajn personojn antaŭ la homera Troja milito.
El ili: Jazono, Heraklo, Orfeo, la ĝemeloj Kastoro kaj Polukso, Laerto, Ojleo, Telamono, Meleagro, kaj fine Atalanto (la ununura virino en la grupo).
