Ariane 2
La raketo Ariane 2 estis Eŭropa nereuzebla lanĉo-veturilo uzata por ses lanĉoj inter 1986 kaj 1989. Ĝi estas unu el la raketoj el la familio Ariane, kaj estis fabrikita de Aérospatiale en Francio.
La raketo Ariane 2 baziĝas sur la antaŭ raketo Ariane 1, kun plibonigitaj unua kaj tria etaĝoj. Ĝi kapablas orbitigi ĝis 2.175 kg al terstabila transport-orbito. La unua flugo, portante la sateliton Intelsat-5A F-14, flugis la 31-an majo 1986 sed estis malsukcesa. La tria etaĝo ne ekbruliĝis, kaj la raketo detruiĝis. Post tio, sekvis kvin sukcesaj lanĉoj. La lasta lanĉo de Ariane 2 okazis la 2-an de aprilo 1989, kaj orbitigis la sateliton Tele-X.
Estas rimarkinde ke la raketo Ariane 3, simila al Ariane 2 kun du aldonaj solidaj akcelaj raketoj, faris sukcesan flugon antaŭ la Ariane 2.
Lanĉoj[redakti | redakti fonton]
| Flugo | Dato | Ŝarĝo | Rezulto |
|---|---|---|---|
| 1 | 30-a majo 1986 | INTELSAT V F 14 | Malsukcesa |
| 2 | 20-a novembro 1987 | TV-SAT 1 | Sukcesa |
| 3 | 17-a majo 1987 | INTELSAT V F13 | Sukcesa |
| 4 | 27-a oktobro 1988 | TDF 1 | Sukcesa |
| 5 | 26-a januaro 1989 | INTELSAT V F15 | Sukcesa |
| 6 | 1-a aprilo 1989 | TELE-X | Sukcesa |
Referencoj[redakti | redakti fonton]
- Ariane 1, 2, 3. Launchers. European Space Agency. Alirita 2009-04-27.
Arkivigite je 2009-05-05 per la retarkivo Wayback Machine
- Ariane 1-3. Ariane Heritage. Arianespace. Alirita 2009-04-27.
- Krebs, Gunter. Ariane-2. Gunter's Space Page. Alirita 2009-04-27.
- Wade, Mark. Ariane. Encyclopedia Astronautica. Alirita 2009-04-27.