Armand Caumont

El Vikipedio, la libera enciklopedio
Salti al navigilo Salti al serĉilo

Armand CAUMONT (ĉ. 1842-1925) estis svisa esperantisto, profesoro (instruisto) en Lausanne.

Li esperantistiĝis antaŭ la unua mondmilito, kunlaboris kun Friedrich Uhlmann kiel esperantista redaktoro de Monda Poŝto, dum la unua mondmilito li kontribuis al la revuo Esperanto per artikoloj kaj helpis tiel al la jam malsaneta Hector Hodler.

Lia plej grava verko estas esperantigo de la romano For la Batalilojn! de Bertha von Suttner en la jaro 1914, kiun li prezentas en riĉa kaj tamen klara kaj facile legebla lingvo - neniaj lingvaj eksperimentoj deturnas la atenton de la leganto for de la enhavo de la libro kaj agado de la herooj, kies militaj suferoj estas draste priskribitaj.