Asteriks kaj Obeliks kontraŭ Cezaro

El Vikipedio, la libera enciklopedio
Saltu al: navigado, serĉo
Asteriks kaj Obeliks kontraŭ Cezaro
Originala titolo Asteriks & Obélix contre Cézar
Produktadlando Francio
Filmita en Francio, Italio, Germanio
Originala lingvo Franca
Ĝenro Komedio
Kameraado Tony Pierce-Roberts
Reĝisoro(j) Claude Zidi
Produktisto(j) Claude Berri
Scenaro Claude Zidi
Laŭ la verko de Asteriks de René Goscinny kaj Albert Uderzo
Muziko Jean-Jacques Goldman, Roland Romanelli
Ĉefrolantoj Christian Clavier · Gérard Depardieu · Roberto Benigni · Gottfried John · Laetitia Casta · Arielle Dombasle · Marianne Sägebrecht · Beppe Chierici · Michel Galabru · Claude Piéplu · Daniel Prévost · Didier Cauchy · Franck-Olivier Bonnet · Gaëtan Bloom · Hardy Krüger junior · Herbert Fux · Jacques Delaporte · Jean-Jacques Devaux · Jean-Paul Farré · Jean-Pierre Castaldi · Jean-Roger Milo · Laurent Spielvogel · Martial Courcier · Michel Muller · Olivier Achard · Pierre Palmade · Sim
Distribuo Pathé distribution
IMDb
v  d  r
Information icon.svg

Asteriks kaj Obeliks kontraŭ Cezaro (france Asteriks & Obélix contre Cézar) estas filmo de 1999 reĝisorita de Claude Zidi, la unua realaktora filmo el kiu poste iĝis serio de kvar filmoj pri la aventuroj de la fikciaj gaŭloj Asteriks kaj Obeliks de René Goscinny kaj Albert Uderzo. La filmo kombinas elementojn el pluraj de la bildstriaj volumoj pri Asteriks plejparte Asteriks la Gaŭlo, Asteriks kaj la sorĉisto, Asteriks kaj la gotoj, Asteriks legiano kaj Asteriks gladiatoro. Sed abundas ankaŭ ŝercoj de kaj referencoj al multaj aliaj albumoj, kiel ekzemple humura interbabilo inter Julio Cezaro kaj Marko Bruto prenita de Asteriks kaj Kleopatra.

En la momento de sia publikiĝo, la filmo estis la plej multekosta produktaĵo en la historio de franca kino kaj la plej multekosta 20-jarcenta kinfilma produktaĵo en Francio. Tamen jam tri jarojn pli poste, en 2002, pli multekostis la filma sekvaĵo, Asteriks kaj Obeliks: Misio Kleopatra, kiu do transprenis la rekordon de la plej multekosta produktaĵo en la historio de franca kino, sed lasis al la unua filmo la rekordon de la plej multekosta 20-jarcenta kina produktaĵo en Francio, ĉar la sekvaĵo kompreneble jam apartenas al la 21-a jarcento.