Vulkan-grupoj

La Vulkan-grupoj, germane Vulkangruppen, estas maldekstraj ekstremismaj grupoj bazitaj en Germanio, respondeca pri sabotado kaj detruo de energia, fervoja kaj datuma infrastrukturo en kaj ĉirkaŭ la germania ĉefurbo Berlino, same kiel atakoj kontraŭ la fabrikado de la internacia konzerno Tesla limigita al la Berlina regiono. La grupoj estas asociitaj kun ekstrem-maldekstra, kontraŭfaŝisma kaj anarkiisma ideologio. Tiuj implikitaj en la grupo foje uzas la nomojn de islandaj vulkanoj kiel kaŝnomojn post agoj. La grupoj faris 11 krimfajrajn atakojn ekde almenaŭ 2011. En oficialaj sciigoj post atencoj la grupo kutime nomas sin singulare "Vulkan-grupo", substrekante la unuecan solidaron inter la unuopaj grupetoj aparteni al unusola plia granda organizaĵo, sed pro tio ke tiuj oficialaj sciigoj ŝajnas ne esti bone kunordigitaj kaj parte kontraŭdiras sin, kreskas la impreso ke estas pluraj sendependaj terorismaj ĉeloj, kaj tial la plurala nomo pravigeblas.

Atenco kontraŭ la elektra sistemo de sudokcidenta Berlino ekde la 3-a de januaro 2026

Enlande aparte atentiĝis terorisma atenco kontraŭ la elektra sistemo de vasta parto de sudokcidenta Berlino ekde la 3-a de januaro 2026 frumatene, kiu estis riparebla nur la 7-an de januaro posttagmeze, kaj lasis la pli-malpli 296 000 loĝantojn de la urbodistrikto Steglitz-Zehlendorf kvin tagojn en malhelaj kaj daŭre plifrostiĝantaj loĝejoj. Vendejoj kaj restoracioj, malsanulejoj kaj kuracitaj praktikejoj, maljunulejoj, lernejoj, infanĝardenoj kaj la publika transporto ne funkciis (kvankam la malsanulejoj kaj multaj maljunulejoj baldaŭ povis refunkcii pro katastrofomildigaj alportitaj elektrogeneraj motoroj), kaj kvankam eblis piedire, bicikle aŭ per privataj aŭtoj moviĝi ekster la vasta urbodistrikto, kie ĉiuj servoj funkciis, tio laŭ la vetero ne tiom facilis, ĉar estis minusaj celsiaj gradoj kaj forte neĝis.

Citaĵo

La sabotadon de la elektrocentralo en la kvartalo Lichterfelde en la orienta parto de la urbodistrikto komentis anonima oficiala sciigo de grupiĝo kiu deklaris sin esti unu el la vulkan-grupoj":

„ Ni ne plu povas permesi al ni la riĉulojn. Ni povas iniciati la finon de la imperia vivstilo. Ni povas ĉesigi la prirabadon de la Tero. […] Malŝalti fosiliajn elektrocentralojn estas tasko por la popolo. Havu kuraĝon. Ni scias, ke ni devas interrompi ĉi tiun detruon. Ni scias, ke ni ne estas solaj. […] Hieraŭ nokte, ni sukcese sabotis la gas-elektron en Berlino-Lichterfelde. Tio rezultigis elektropaneojn en la pli riĉaj kvartaloj Wannsee, Zehlendorf kaj Nikolassee. Elektropaneoj ne estis la celo de la ago, sed celo estis la fosilia fuela industrio. Ni pardonpetas al la malpli riĉaj loĝantoj de sudokcidenta Berlino. Nia simpatio por la multaj vilaoposedantoj en ĉi tiuj kvartaloj estas limigita. ” — Vulkan-grupo

Malgraŭ tiu aserto esti la kulpinto, tamen ankoraŭ teorie eblus ke la anoniman sciigon ankaŭ verkus iu dekstrema grupiĝo kiu volus malkreditigi la maldekstrajn grupiĝojn, aŭ ke iu maldekstra grupo simple blufe fanfaronis. Ĉiukaze, se la konfesoletero estus vera, estus malvera la prezento de la skribintoj ke la paneo baze nur sabotus iujn malamikajn plejriĉulojn en luksaj vilaoj, kaj la fakto ke preskaŭ 300 000 "malpli riĉaj loĝantoj de sudokcidenta Berlino" suferis konsidereblus nur "malgrava neevitebla flankefiko" de la kampanjo...