Békés (urbo)

Békés
urbo
Flago Blazono
Areo	127 km² (12 700 ha)
Loĝantaro	21 500
Poŝtkodo	5630
Telefona antaŭkodo	66
Vikimedia Komunejo: Békés
Retpaĝo: www.bekesvaros.hu

Békés [bEkEŝ] estas urbo en Hungario, en regiono Suda Ebenaĵo, en departemento Békés kies iama departementejo estis, en Distrikto Békés, kies centro estas.

Akvobaraĵo en Békés en Duobla Körös

Geografio

Békés situas sur ebenaĵo, laŭ maldekstra bordo de Duobla Körös, en ambaŭ bordoj de kanalo Körös, laŭ ĉefvojo Békéscsaba-Budapeŝto. Inter 1883-2007 funkciis fervojo.

Historio

La komunumo estis loĝata dum la neolitiko, de keltoj, skitoj, avaroj kaj hunoj. Inter 11-a - 15-a j.c.oj Békés estis departementejo, ekde 1404 kampurbo. La turkoj okupis la urbeton en 1566, kiu senhomiĝis fine de la erao. Ĝi iĝis grandvilaĝo en 1872, en 1972 urbo. En la urbo 2 mezlernejoj kaj 3 bazlernejoj funkcias. Estas menciinda la elstara vira manpilka teamo.

Vidindaĵoj

• Preĝejo de Sankta Triunuo (Békés)
• kalvinana preĝejo
• sinagogo
• preĝdomo de baptistoj

Urbocentro de Békés, centre estas la lernejo

Famuloj

En Békés naskiĝis kaj mortis:

• politikisto István B. Szabó
• pentristo Mátyás Jantyik.

En Békés naskiĝis:

• aktoro Dezső Kertész
• József Tóth (hidrologo)
• ministro János Latorcai
• pastro, spicherbisto Miklós Szalai
• pentristo Klára Tassy.

Famaj nomportantoj

• András Békés, reĝisoro
• István Békés, verkisto
• Itala Békés, aktoro
• Pál Békés, verkisto
• Rita Békés, aktoro

Ĝemelurboj

• Gheorgheni, Rumanio (1993)
• Novi Itebej, Serbio (2006)