Banksia verticillata

El Vikipedio, la libera enciklopedio
Salti al navigilo Salti al serĉilo
Banksio de Albany, kun polenumanta melifagedo

Banksia verticillata aŭ "Banksio de Albany" estas arbeda specio de la genro Banksia en la familio Proteacoj. Ĝi indiĝenas en la sudokcidento de Okcidenta Aŭstralio kaj povas altiĝi ĝis 3 m, aŭ eĉ 5 m en ŝirmitaj lokoj; ĝi malpli altas en elmontritaj areoj. Tiu ĉi specio havas elipsajn verdajn foliojn kaj grandajn, brilajn orflavajn flor-pikiloj kiuj aperas en somero kaj aŭtuno. Melifagedoj de la specio Phylidonyris novaehollandiae estas la plej elstaraj polenumantoj, kvankam pluraj aliaj specioj de melifagedoj, same kiel abeloj, vizitas la flor-pikilojn. Listite kiel riskata specio fare de la aŭstralia registaro, ĝi troviĝas en du disaj populacioj sur granito nudrokoj laŭ la suda marbordo de Okcidenta Aŭstralio, kun la ĉefa arbaro proksime de Albany kaj pli malgranda kvanto apud Walpole. Ĝi estas minacata de radika malsano (specife Phytophthora cinnamomi) kaj aeraj skaraboj (Zythiostroma). B. verticillata mortas en naturaj incendioj, post kio novaj plantoj ekkreskas el semoj. Populacioj bezonas pli ol jardekon por produkti semon kaj oni bezonas intervalon de pli ol dudek jaroj inter fajroj estas bezonataj por permesi ke sufiĉe da semamaso akumuliĝu.