Barinas (ŝtato)

El Vikipedio, la libera enciklopedio
(Alidirektita el Barinas (Venezuela ŝtato))
Saltu al: navigado, serĉo
Preĝejo Nuestra Señora del Rosario de El Real, de Calderas

La ŝtato (respektive subŝtato) Barinas (aŭ Barinaso esperantigita) estas unu de la 24 federaciaj entoj kiuj kunformas Venezuelon, nome la República Bolivariana de Venezuela. Ĝi situas en la regiono Los Llanos kaj malgranda parto apartenas al la regiono de Andoj. Ĝi enhvas teritorion de 35 200 km², kio estas 3,84 % de la landa teritorio. Laŭ INE ĝi enhavas totale 970 689 loĝantojn, tio estas la 15a plej loĝata ŝtato de Venezuelo.

Ĝi limas norde kun la ŝtatoj Trujillo, Portuguesa kaj Cojedes, sude kun la ŝtatoj Apure kaj Táchira, oriente kun Guárico kaj okcidente kun Mérida kaj Táchira. Ĝi havas 12 municipojn kaj 52 submunicipojn nome parroquias. Ĉefaj urboj estas la jenaj: Barinas, Socopó, Ciudad Bolivia, Barinitas, Sabaneta, kaj aliaj.