Studio Barrandov

studio Barrandov
	studio Barrandov
kina firmao ; entrepreno ; entrepreno ; produkta kompanio
Dum	1931 - nekonata/nuntempe
Jura formo	akcia societo (a. s.)
Fondintoj	Miloš Havel vd
Sidejo	Prago
Lando	Ĉeĥio
Dungitoj	2.000
Agokampo	kinaj filmoj
Posedata de	Moravia Steel • Ĉeĥoslovakio vd
TTT	www.barrandov.cz
	v • d • r

La studio Barrandov (ĝis la jaro 1945 Filmaj fabrikoj AB en Barrandov, (ĉeĥe: Filmové továrny AB na Barrandově), ĝis la jaro 1991 Filma studio Barrandov (ĉeĥe: Filmové studio Barrandov)) estas komplekso de filmaj studioj en Prago en kvartalo Barrandov. Tiuj ĉi filmaj atelieroj estas la plej grandaj en Ĉeĥio kaj unu el la plej grandaj kaj la plej malnovaj filmaj studioj en Eŭropo. Dum la tempo de sia pli ol sepdekjara ekzistado oni tie filmis pli ol 2 500 ĉeĥajn kaj eksterĉeĥajn filmojn, kiujn la kompanio rekte produktis aŭ partoprenis dum ties produkto.

Filma kreado estas kompleksa agado, kiu postulas kunagadon de multaj disciplinoj kaj metioj. Ĉefa avantaĝo de la studio estas ĉeesto de absoluta plimulto de ĉiuj en unu loko – sur fama "monteto Barrandov super Prago", kien sian fabrikon por filmaj revoj lokigis komence de la 30-aj jaroj de la 20-a jarcento ties patroj – fratoj Havel (Miloš kaj Václav Havel).

Malofte flirtas super Barrandov sole ĉeĥa flago. Atelierojn kaj koneksajn servojn eluzas tradicie ĉeĥaj filmistoj kaj kun ili eksterlandaj kreantoj – plej ofte el Usono, Britio, Francio, Germanio aŭ Rusio.

Estiĝas ĉi tie eĉ prestiĝaj hollywoodaj filmoj inkluzive de Mission: Impossible, Casino Royale, The Chronicles of Narnia: The Lion, the Witch and the Wardrobe, Jojo Rabbit kaj pluaj. De tempo al tempo oni kromnomas al Barrandov (precipe el buŝoj de eksterlandaj filmistoj) "Hollywood de Oriento", dank' al senĉesa intereso de okcidentaj produktoj.^[1]^[2]