Bas Wels

El Vikipedio, la libera enciklopedio
Salti al navigilo Salti al serĉilo
Bas Wels
Persona informo
Naskiĝo 30-an de aprilo 1897 (1897-04-30)
en Roterdamo
Morto 9-an de decembro 1957 (1957-12-09) (60-jara)
en Roterdamo
Lingvoj nederlanda lingvoEsperanto
Loĝloko 1e Wandeloorddwarsstraat
Ŝtataneco Reĝlando de Nederlando
Profesio
Profesio esperantisto
v  d  r
Information icon.svg

Bastiaan Pieter WELS, esperante B. VELS kaj k-do VELS (naskiĝis la 30-an de aprilo 1897 en Roterdamo, mortis la 9-an de decembro 1957 en Roterdamo) estis nederlanda esperantisto, aktiva en la landaj kaj roterdamaj rondoj de la Federacio de Laboristaj Esperantistoj (FLE) kaj en la Sennacieca Asocio Tutmonda (SAT).

Vivo[redakti | redakti fonton]

De dekstre maldekstren: (1) Bas Wels, (2) Frits Faulhaber, (3) Van Essen, (4) Dreves Uiterdijk, (5) v. d. Pols, (6) Bartelmes.

Bas Wels esperantistiĝis en 1932 kaj tiris atenton pro sia speciala parolkapablo dum propagandaj kunvenoj. Li aktiviĝis en FLE-sekcio Rotterdam I. En 1937 Wels iĝis prezidanto de la Organiza Kongres-Komitato (OKK), kiu organizis la sukcesan 17-an SAT-Kongreson (1937) en Roterdamo. En tiu jaro li kontribuis al Jubileumboek 1911-1936 pri la kunlaboro inter FLE kaj SAT.

La dua mondmilito deprimigis Wels kaj li perdis entusiasmon pri siaj idealoj. Li resanigis post li tradukis biografion de Henriette Roland Holst pri Roza Luksemburg al Esperanto en 1949. En 1956 Wels estis elektita prezidanto de FLE-distrikto Rotterdam. Li estis reelektita en 1957, sed mortis.[1]

Referencoj[redakti | redakti fonton]

  1. La distrikto Rotterdam de F.L.E. (1958-01). “Nekrologo: Bas Wels”, Laborista Esperantisto (eo) 27 (1), p. 3. 
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.