Bernard Werber

El Vikipedio, la libera enciklopedio
Saltu al: navigado, serĉo
Bernard Werber en 2007

Bernard WERBER (naskiĝis 18-a de septembro 1961 en Tuluzo) estas franca verkisto, kies tre fama verko nomiĝas La Formikoj (Les Fourmis).

Nur 14-jara, li ekskribis rakontojn por iu fanzino. Finstudinte li estis scienca ĵurnalisto dum ĉirkaŭ 15 jaroj. Li ege ŝatas sciencon, kaj tio trabrilas liajn verkojn.

La verkaro de Bernard Werber estas nuntempe tradukita en tridek-kvin lingvojn (sed ankoraŭ ne en Esperanton), kaj pli ol dek milionoj da libroj estas venditaj tra la mondo. Bernard Werber estas unu el la plej legataj francaj verkistoj (kun Marc Levy). Li eĉ estas stelulo en Sud-Koreio.