Beto Pegaza

	Beto Pegaza
	Stelo
varia stelo • optical double • longperioda varia stelo • stelo de granda propra movo • naviga stelo • stelo • duobla stelo • astra fonto de proksim-infraruĝaj radioj • astra fonto de ultraviolaj radioj • infraruĝa fonto
Speco	Ruĝa supergiganto
Aliaj nomoj	Scheat, Seat Alpheras, Menkib, 53 Peg, HD 217906, HIP 113881, SAO 90981
	Situo
Konstelacio	Pegazo
Rekta ascensio; Deklinacio; - Epoko	23h 03m 46,45s; 28° 04′ 58,04″; J2000.0
Distanco el sunsistemo	199 ± 9 lumjaroj
	Fizikaj ecoj
Radiuso	95 sunradiusoj
Maso	6 sunmasoj
Lumeco	1500 sunlumecoj
	Atmosferaj kaj surfacaj ecoj
Surfaca temperaturo	Averaĝe 3700 K
	Observaj ecoj
Absoluta magnitudo	-1,49
Videbla magnitudo	2,42
Paralakso	16,37 ± 0,72 mas
Moviĝo; - Rekta ascensio; - Deklinacio	; 187,76 mas/j; 137,61 mas/j
Radia rapido	7,99 km/s
	v • d • r

Beto Pegaza (latine Beta Pegasi, β Peg laŭ la nomaro de Bayer) estas hela giganto kaj ruĝa supergiganto en la konstelacio Pegazo. Ĝi ankaŭ tradicie nomatas Scheat, el araba vorto kiu signifas tibio, verŝajne pro ĝia situo kadre de iu antikva stelfiguro kiu ne plu konatas. Ĝi ankaŭ nomatas Sheat Alpheras aŭ Seat Alpheras (Alpheras venas el la araba Al Faras, kiu signifas "la ĉevalo") kaj Menkib (el la araba Mankib al Faras, kiu signifas "ŝultro de la ĉevalo"). Tiuj ĉi lastaj nomoj klare rilatas al la mitologia ĉevalo Pegazo per kiu oni nun bildigas la konstelacion.

Beto Pegaza havas videblan magnitudon 2,42, kaj pro tio malmulte malpli helas ol Epsilono Pegaza (ε Pegaza), kiu havas magnitudon 2,40 kaj estas la plej hela stelo en Pegazo. Ambaŭ steloj apartenas la stelaron Kvadrato de Pegazo, unu el la plej facile rekoneblaj en la norda duonsfero de Tero, pro tio, ke ĝi konsistas el kvar steloj havantaj duan magnitudon kaj enhavas neniun kroman helan stelon en la areo de la kvadrato. La du ceteraj steloj, kiuj konsistigas la stelaron, estas Gamo Pegaza (γ Peg) kaj Alfo Andromeda (α And).