Blankbrusta fruktokolombo

Kiel legi la taksonomion Blankbrusta fruktokolombo
Ptilinopus rivoli bellus. Masklo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Kolomboformaj Columbiformes Familio: Kolombedoj Columbidae Genro: Ptilinopus Specio: Blankbrusta fruktokolombo P. rivoli
Dunomo
Ptilinopus rivoli (Prévost, 1843)
Konserva statuso
Konserva statuso: Malplej zorgiga
Aliaj Vikimediaj projektoj

La Blankbrusta fruktokolombo, Ptilinopus rivoli, estas mezgranda fruktokolombo de la genro Ptilinopus.

Subspecioj

Subspecioj estas la jenaj:

• Ptilinopus rivoli bellus P.L.Sclater, 1874 - Nov-Gvineo, insuloj Karkar kaj Goodenough
• Ptilinopus rivoli miquelii Schlegel, 1871 - insuloj Japen kaj Meos Num (norda Nov-Gvineo
• Ptilinopus rivoli prasinorrhous G.R.Gray, 1858 - insuloj Aru, insuloj de Okcidenta Papuo kaj Geelvinka Golfo
• Ptilinopus rivoli rivoli (Prévost, 1843) - insulo Umboi
• Ptilinopus rivoli strophium Gould, 1850 - Egum Atolo (Trobriand-insularo) kaj Ludovik-Insularo

• 
  Ptilinopus rivoli bellus
• 
  Ptilinopus rivoli miqueli

Distribuado

Tiu specio povas troviĝi en la Molukoj, Nov-Gvineo kaj Bismarkoj. Ĝi troviĝas ankaŭ en multaj insuloj borde de Nov-Gvineo, same kaj de insuloj de Molukoj kaj de Aru gubernio inter aliaj.

La insuloj sur kiuj la Blankbrusta fruktokolombo estas relative ofta estas Buruo, Seram kaj Karkar.

Habitato

Ties natura vivmedio estas subtropika aŭ tropika humida arbaro de malaltaj teroj kaj subtropikaj aŭ tropikaj humidaj montararbaroj. Ĝi okazas ĉefe sur primara montararbaro, sed la specio vivas ankaŭ en sekundara arbaro en pli malalta denseco.

En Nov-Gvineo ĝi estas tipe trovita en altitudoj inter 1 000 kaj 3 260 metroj super marnivelo. Sur pli malgrandaj insuloj kiel ekzemple Aru, aliflanke, ĝi povas esti trovita ankaŭ en la malaltebenaĵo. Ĝi estas specio kiu ĉefe preferas la arbokanopeon.

Aspekto

Ptilinopus rivoli povas atingi korpan longon de 23,5 ĝis 26 centimetroj. Ĝi estas pli malgranda ol Afrika turto, sed pli kompakta kun pli mallonga kaj rondeta vosto. En ĉi tiu specio la seksoj estas dimorfaj. La maskloj havas okulfrapan purpuran kapĉapon dum la inoj estas preskaŭ tute verdaj. La plumaro estas ĉefe malhelverda. Estas granda duonlunforma blanka bendo sur la brusto. Depende de la subspecio, tiu ĉi bendo povas havi ankaŭ flavecan nuancon. Ankaŭ la koloro de la ventro kaj la malsupra flanko de la vosto varias depende de la subspecio. Estas longforma, mallarĝa punkto de purpura koloro sur la ventro. La vostoplumoj estas brilflavaj. Ĉe kelkaj subspecioj, tamen, la ventro estas ankaŭ purflava kaj la vostoplumoj estas verdaj. La beko estas brilflava.

Biologio

Ptilinopus rivoli estas fruktomanĝanta specio kiu plukas fruktojn el la branĉoj, sed malofte surgrunde. La nesto estas kunmetita el branĉetoj. La demetado konsistas el du ovoj, kio estas maltipa por fruktokolomboj indiĝenaj de Nov-Gvineo.