Boris Kolker

Boris Kolker
Persona informo
Naskonomo	Борис Григорьевич Колкер
Naskiĝo	15-an de julio 1939 (1939-07-15) (86-jaraĝa) en Tiraspolo
Lingvoj	rusa • Esperanto • angla
Loĝloko	Klevlando
Ŝtataneco	Soveta Unio Usono
Alma mater	Universitato Ŝtata de Moldavio
Parencoj	Danielo Kolker (kuzo)
Okupo
Okupo	esperantisto (1957–) esperantologo instruisto verkisto tradukisto lingvisto
Verkoj	Vojaĝo en Esperanto-lando

Boriso (Boris Grigorjeviĉ) KOLKER (ruse Борис Григорьевич Колкер; naskiĝis la 15-an de julio 1939 en Tiraspolo, Moldava Aŭtonoma Soveta Socialista Respubliko, Sovetunio) estas moldava kaj usona instruisto de lingvoj kaj tradukisto de juda deveno, esperantologo, aŭtoro de tri Esperanto-lernolibroj por diversaj niveloj. Ekde 1993 li loĝas en Klevlando, subŝtato Ohio.

Esperantistiĝis en 1957. Doktoro pri lingvoscienco, defendinta disertacion pri esperantologia temo. Aŭtoro de tri Esperanto-lernolibroj, interlingvistikaj artikoloj kaj recenzoj. Dank’ al granda populareco de lia libro Vojaĝo en Esperanto-lando, kiu estas samtempe perfektiga kurso de Esperanto kaj gvidlibro pri la Esperanta kulturo, li estas konata al multaj kiel ĉiĉerono en Esperanto-lando.

Membro de la Akademio de Esperanto ekde la jaro 1992. Honora Membro de UEA (Universala Esperanto-Asocio). Honora membro de Internacia Ligo de Esperantistaj Instruistoj (ILEI). Membro de la Akademio Literatura de Esperanto (ALE). Kunredaktoro de la internacia gazeto "Monato". Dum du jardekoj gvidis amasan korespondan kurson en Rusio, en kiu diplomitiĝis preskaŭ 900 personoj. Instruis Esperanton ĉe usonaj universitatoj en San Francisco kaj Hartford. Nun gvidanto de la Internacia Perfektiga Koresponda Kurso (IPKK).

En diversaj tempoj kunfondinto kaj kungvidanto de SEJM (Sovetia Esperantista Junulara Movado), ASE (Asocio de Sovetiaj Esperantistoj), SEU (Sovetrespublikara Esperantista Unio), REU (Rusia Esperantista Unio), respondeculo pri Esperanto-instruado en Sovetunio kaj Rusio, komitatano de TEJO (Tutmonda Esperantista Junulara Organizo), membro (ekde la jaro 1959), komitatano kaj ĉefdelegito de UEA, vicprezidanto de la Internacia Ekzamena Komisiono (IEK) de ILEI/UEA. Prelegis kaj publike parolis en pluraj Universalaj Kongresoj de Esperanto (ekde la 48-a UK en Sofio en la jaro 1963), reĝisoris la Kongresan temon en la 85-a UK en Tel-Avivo (2000).

Listo de verkoj

Disertacio

Kontribuo de la rusa lingvo al la formiĝo kaj evoluo de Esperanto. (ruse Вклад русского языка в формирование и развитие эсперанто.) Moskva: Akademija Nauk SSSR, Institut Jazykoznanija, 1985. - 23 p. Referaĵo de doktoriga disertacio pri lingvoscienco, ruslingva.

Lernolibroj

La Metodikaj materialoj por internacia lingvo esperanto de 1978

• Vojaĝo en Esperanto-lando. Perfektiga kurso de Esperanto kaj Gvidlibro pri la Esperanta kulturo.
• Lernolibro de la lingvo Esperanto. Baza kurso. (Учебник языка эсперанто. Основной курс)
• Esperanto en 16 tagoj. Ekspres-kurso. (Эсперанто за 16 дней)
• Internacia lingvo Esperanto. Plena lernolibro. Arkivigite je 2010-11-22 per la retarkivo Wayback Machine
• Metodikaj materialoj por internacia lingvo esperanto. (Методические разработки по международному языку эсперанто для курсов) 1978.

Vortaro

• Esperanta-rusa vortaro: ĉirkaŭ 3000 vortoj. - Moskva: Impeto, 1993. - 53 p. ISBN 5-7161-0002-3.

Artikoloj

• Ĉefaj strukturaj principoj de Esperanto. - En: La arto labori kune. Festlibro por Humphrey Tonkin. Rotterdam: UEA, 2010.
• Enigmoj de Ludoviko Zamenhof
• NIA Vilnjuso kaj ILIA Jerusalemo
• Claude Piron kaj "Vojaĝo en Esperanto-lando" Arkivigite je 2011-08-10 per la retarkivo Wayback Machine
• Kiam mi tradukis divenante Arkivigite je 2011-08-10 per la retarkivo Wayback Machine
• Interlingvistiko kaj interlingvistikaj esploroj en Sovetunio. - En: Esperanto: la internacia lingvo - sciencaj aspektoj; (Berlin: Kulturligo de GDR, Centra Laborrondo Esperanto, 1979. - 237 p.) p. 74 – 78.
• Kontribuo de la rusa lingvo al la verba sistemo de Esperanto. - En: Serta gratulatoria in honorem Juan Régulo: II Esperantismo ; (La Laguna: Universidad de La Laguna, 1987. - 766 p.) p. 315 – 325.
• Vklad russkogo jazyka v strukturu Esperanto (ruslingva – Kontribuo de la rusa lingvo al la strukturo de Esperanto). - En: Interlinguistica Tartuensis, 3; (Tartu: Tartuskij Gosudarstvennyj Universitet, 1984. - 182 p.) p. 74 – 108, resumo en Esperanto.
• Vklad russkogo jazyka v leksiku Esperanto (ruslingva – Kontribuo de la rusa lingvo al la leksiko de Esperanto). - En: Interlinguistica Tartuensis, 5; (Tartu: Tartuskij Gosudarstvennyj Universitet, 1988. - 183 p.) p. 74 – 91, resumo en Esperanto.
• Pri "Vojaĝo" por la legantoj de "Komencanto"., Komencanto, 2003 (n-ro 3)
• Lasta artikolo de L. L. Zamenhof pri judaj temoj Arkivigite je 2004-12-14 per la retarkivo Wayback Machine, Israela Esperantisto, julio 2004 (n-ro 140)
• Свободная эмиграция из СССР подготовлена в Кливленде (Libera elmigrado el Sovet-Unio estis preparita en Cleveland.)
• Поправка, изменившая нашу судьбу. (Amendo, kiu ŝanĝis nian sorton.)

Citaĵo

„ In 1992 hot ziĥ in di Peterburger biĥerkromen bavizn Baris Kolkers lernbuĥ fun Esperanto, vos blajbt populer ojfn rusiŝ-ŝpraĥikn ŝeteĥ. Ĥ'hob ziĥ demolt gelernt in ŝkole. (...) Mit a cendlik jor ŝpeter, ven iĥ hob gevojnt in Nju-Jork un gearbet inem "Forverts", hob iĥ plucem bakumen fun Kalkern a briv un ojsgefunen, az er, zajendik a gebojrener in Tiraspol, Maldavie, ken jidiŝ fun der hejm un lejent jidiŝe cajtungen. A klajne velt! Hajnt iz er a bn-ŝmunim, vojnt in FŜA un farnemt ziĥ vajter mit Esperanto-tetikejt. Vi er hot mir ibergegebn, hot er in der jugnd gevolt vern a jidiŝer ŝrajber, nor ŝpeter ziĥ ŝtark farinteresirt mit Esperanto. ”   „ En 1992 en la Peterburgaj librovendejoj aperis la lernolibro de Boris Kolker pri Esperanto, kiu restas populara en la ruslingva teritorio. Mi tiam lernis en la lernejo. (...) Dekon da jaroj pli poste, kiam mi loĝis en Nov-Jorko kaj laboris por la "Forverts", mi subite ricevis leteron de Kolker kaj eksciis, ke li, naskiĝinta en Tiraspol, Moldavio, konas la jidan ekde la hejmo kaj legas jidajn gazetojn. Malgranda mondo! Hodiaŭ li estas okdekjarulo, loĝas en Usono kaj okupas sin plue kun Esperanto-agado. Kiel li transdonis al mi, en la junaĝo li volis fariĝi jida verkisto, nur pli poste li forte ekinteresiĝis pri Esperanto. ” — Joel Matvejev en 2020

Eksteraj ligiloj

Trovu « Boris Kolker » inter la Vizaĝoj de homoj rilataj al la ideo «Internacia Lingvo»

• Jidiŝ un Esperanto - a 160-joriker roman, "Jido kaj Esperanto - 160-jara romano". Artikolo de Joel Matvejev en la jida lingvo pri la ligoj inter la jida kaj Esperanto por la 160-a datreveno de Zamenhofo. Aperis 2020-02-05 en Birobiĝana Stelo.

Persone

• Persona paĝo Arkivigite je 2004-12-16 per la retarkivo Wayback Machine
• Iom el la biografio Arkivigite je 2011-08-10 per la retarkivo Wayback Machine
• Retadreso: b_kolker-ĉe-yahoo.com (enmetu @)

Intervjuoj

• Esperanto estu regata samnivele kiel la gepatra lingvo! Arkivigite je 2012-02-02 per la retarkivo Wayback Machine (Intervjuinto: José Tenorio.) - Brazilei, 2009, No 10.
• 70-jariĝo de Boris Kolker. Parto 1 - Rusia Esperanto-Gazeto (REGo), 2009, junio, No 3. (kopio ĉi tie: )
• 70-jariĝo de Boris Kolker. Parto 2 - Rusia Esperanto-Gazeto (REGo), 2009, junio, No 3. (kopio ĉi tie: )
• Sovetia Esperanto-movado en kvazaǔsekreta misio. Arkivigite je 2010-10-05 per la retarkivo Wayback Machine - Intervjuo-konversacio kun Boris Kolker kaj Anatolo Gonĉarov, preparita de Andreas Künzli - SPEGULO, 2008, eldono aŭtuna, p. 134-157.
• 50 jaroj en Esperanto-lando. Arkivigite je 2011-09-02 per la retarkivo Wayback Machine - Aŭskultebla intervjuo de Boris Kolker al Radio Pekino (Intervjuinto: Lina Chen.). La 30-an de novembro 2007.
• Ne batali kontraŭ, sed labori por. Arkivigite je 2005-03-10 per la retarkivo Wayback Machine - Intervjuo okaze de 65-jariĝo de Boris Kolker (Intervjuintoj: Viktoro Aroloviĉ kaj Garik Kokolija.) - Rusia Esperanto-Gazeto (REGo), 2004, junio, No 3.
• Fiera pri sia Esperanto-lando. (Intervjuinto: Doron Modan.) - Israela esperantisto, 2002, decembro, No 137, p. 25-27. Represita en Esperanto, 2003, Februaro, No 2.
• Pri la historio kaj verkado de la libro, sekretoj de bona klubvivo kaj pri liaj instruistaj spertoj. Arkivigite je 2011-08-10 per la retarkivo Wayback Machine (Intervjuinto: Katalin Kováts.) - Internacia Pedagogia Revuo, 2002, No 3.
• Komenco bona — laboro duona. Intervjuo okaze de la Zamenhof-bankedo en Chicago en decembro, 1997. (Intervjuinto: Andrej Kolganov.)

Fotoj

• http://www.esperantofre.com/okemo//Okem40.htm
• http://www.esperantofre.com/okemo//Okem41.htm
• http://www.esperantofre.com/okemo//Okem42.htm
• http://www.esperantofre.com/okemo//Okem43.htm

Verkoj

• Libroj de kaj pri Boris Kolker en la Kolekto por Planlingvoj kaj Esperantomuzeo Arkivigite je 2015-03-25 per la retarkivo Wayback Machine
• Artikoloj Arkivigite je 2008-05-09 per la retarkivo Wayback Machine de kaj pri Boris Kolker en Elektronika Bibliografio de Esperantaj Artikoloj (EBEA)