Bosnoj
Bosnoj (aŭ bosniakoj, bosne Bošnjaci/Бошњаци) estas sudslava popolo kiu loĝas ĉefe en Bosnujo kaj Hercegovino kaj en la regiono Sandžak en Serbujo kaj Montenegro. Historie, la ĉefa kriterio por difini la naciojn en Bosnujo estis la religio, kaj la bosnoj estis la islamaj slavoj. Nuntempe la plej multaj bosnoj estas sunaaj islamanoj, sed kelkaj estas ateistoj.
Estas ĉirkaŭ 3,2 milionoj da bosnoj en la mondo, el kiuj ĉirkaŭ 2.200.000 loĝas en Bosnujo kaj Hercegovino. 42% de la loĝantaro de Bosnujo kaj Hercegovino estas bosnoj. En la Federacio de Bosnujo kaj Hercegovino, kiu estas unu el du entoj el kiuj konsistas Bosnujo kaj Hercegovino, ili estas ĉirkaŭ 73% de la tuta loĝantaro.
La lingvo de la bosnoj nomiĝas bosna lingvo. Ĝi estas preskaŭ sama kiel aŭ la serba aŭ la kroata lingvo, kvankam ĝi enhavas pli multajn vortojn devenantaj el la araba kaj la turka lingvo.