Bresto (Belorusio)

Bresto, antaŭe Litova Bresto aŭ Bresto apud Bugo (ruse "Брест", beloruse "Брэст", pole Brześć, jide בּריסק, hebree ברסט ליטובסק, ukraine: Берестя ) estas urbo en Belorusio, administra centro de la Bresta regiono. La urbo situas en la plej okcidenta parto de Belorusio, proksime al Pollando.

La urbo estas grava transporta centro, rivera haveno. En la urbo loĝas 310,8 miloj de homoj (laŭ la 1-a de januaro 2010). Ĝis 1945 en Pollando, kie nun estas centro de la pola kulturo en Belorusio, kun la pola konsulejo

La urbo estas fama precipe pro la Traktato de Brest-Litovsk (laŭ la malnova nomo de la urbo), en 1918, inter soveta Rusio kaj Ukrainio unuflanke kaj la centraj regnoj (Aŭstrio-Hungario, Bulgario, Germanio kaj Turkio) aliflanke, kiu fiksis la eliron de Rusio el la Unua mondmilito, kaj ankaŭ peo la defendado de Bresta fortreso dum la Granda Patruja Milito somere 1941 (pro kio la urbo ricevis la honoran titolon "Fortreso-Heroo".