Broadview (Seatla kvartalo)

El Vikipedio, la libera enciklopedio
Salti al navigilo Salti al serĉilo
Pejzaĝa vidaĵo pri Puĝeta Fjordo kaj la Olimpika Montaro, de Broadview

Broadview estas loĝkvartalo en la nordokcidenta angulo de la urbo Seattle, en Vaŝingtonio, Usono. Ĝi havas ĉirkaŭ 13 000 loĝantojn.[1]

Geografiaj limoj[redakti | redakti fonton]

Situo de Broadview en la urbo Seatlo

Broadview situas sur altaĵo apud la bordo de Puĝeta Fjordo, kiu situas okcidente. La norda limo de Broadview (kaj de Seattle) estas la strato NW 145th St; la orienta limo de la kvartalo estas la strato Greenwood Ave N; la suda limo estas malpli rekta, konsistanta el la suda limo de Parko Carkeek, kaj neregule kurbega linio de la sudorienta angulo de la parko ĝis la strato N 105th St.

Nomo[redakti | redakti fonton]

Broadview ricevis sian nomon (signifanta "Vasta vido") pro la panoramaj pejzaĝoj de la fjordo kaj la Olimpika Montaro trans la fjordo.

Historio[redakti | redakti fonton]

Terkultivistoj komencis setli la regionon en 1889, post la granda seatla incendio. Pro manko de vojoj, ili devis sendi siajn rikoltaĵojn al Seatlo per boatoj. Ĝi jure aneksiĝis kiel parto de la urbo Seattle en 1954.

La fervojo pasas tra Carkeek Park apud la plaĝo

Cetere[redakti | redakti fonton]

Fervojo (BNSF Railway) sekvas la bordon de la fjordo. La sudorienta angulo de la kvartalo konsistas el Parko Carkeek, granda urba parko plejparte arbokovrita kun plaĝo ĉe la fjorda strando.

Notoj[redakti | redakti fonton]

  1. http://www.historylink.org/index.cfm?DisplayPage=output.cfm&File_Id=3287 , Louis Fiset, "Seattle Neighborhoods: Broadview & Bitter Lake -- Thumbnail History", HistoryLink.org, 19a de Majo, 2001, korektita la 19an de Decembro, 2005