Brunbenda pluvio
 | ||||||||||||||
|---|---|---|---|---|---|---|---|---|---|---|---|---|---|---|
 Masklo en reprodukta plumaro ĉe Tanzanio
| ||||||||||||||
| Biologia klasado | ||||||||||||||
| ||||||||||||||
| Anarhynchus pallidus Strickland, 1853 | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Brunbenda pluvio, Anarhynchus pallidus, estas eta kaj vigla pluvio, tio estas vadbirdo de la familio de ĥaradriedoj kaj genro Anarhynchus kiu enhavas multajn aliajn speciojn. Tiu specio havas grandan teritorion, distribuite tra Suda Afriko. Tamen, ĝi fakte okupas tre malgrandan areon.
Aspekto
[redakti | redakti fonton]Ĝi iĝas proksimume 15 cm alta kaj havas proporcie longajn malhelajn krurojn, nigrajn bridajn kaj traokulajn striojn kondukantajn al nigra beko. La frunto, gorĝo kaj ventro estas blankaj, dum rimarkinda kaŝtanbruna brustobendo (kiu nomas la specion) kuniĝas kun samkolora bendo sur la antaŭkrono. Dorso kaj krono estas grizecbrunaj.
Kutimaro
[redakti | redakti fonton]Kvankam la movoj de tiu specio varias laŭlonge de sia teritorio kaj tial estas malbone komprenitaj, ĝi supozeble estas parta migranto.[2]
Habitato
[redakti | redakti fonton]Tiu specio estas plejparte rilata al alkala kaj sala akvo.[3]
Distribuado
[redakti | redakti fonton]Charadrius pallidus havas du apartaj populacioj. La nomiga subspecio troviĝas en Angolo, Bocvano, Kenjo, Mozambiko, Namibio, Sudafriko, Tanzanio, Zambio kaj Zimbabvo. La subspecio venustus troviĝas nur en la Rifta Valo en Kenjo kaj Tanzanio. Estas forta genetika diverĝo iter tiuj du subspecioj.[4]
Tamen, ĉar ĝi troveblas en malpli ol dek lokoj en la nereprodukta sezono, kaj ties habitata kvalito malpliiĝas, la Brunbenda pluvio estas taksita kiel Preskaŭ Minacata en la Ruĝa Listo de IUCN de 2007.[5]
Populacio
[redakti | redakti fonton]La tutmonda populacio estis ĉirkaŭkalkulita je 17 500 individuoj. For de la reprodukta sezono, Walvis Bay kaj Sandwich Harbour en Namibio kaj la Lago Natron en Tanzanio povas teni ĉirkaŭ 87% de la tutmonda populacio.
Referencoj
[redakti | redakti fonton]- ↑ BirdLife International (2021). “Charadrius pallidus”, IUCN Red List of Threatened Species 2021, p. e.T22693814A179176196. doi:10.2305/IUCN.UK.2021-3.RLTS.T22693814A179176196.en. Alirita 1a de Januaro 2022..
- ↑ see del Hoyo, J.; Elliott, A.; Sargatal, J. 1996. Handbook of the Birds of the World, vol. 3: Hoatzin to Auks
- ↑ Johnsgard, P. A. 1981. The plovers, sandpipers and snipes of the world University of Nebraska Press, Lincoln, U.S.A. and London
- ↑ (2017) “Genetic isolation in an endemic African habitat specialist.”, Ibis 159 (4), p. 792–802. doi:10.1111/ibi.12520.
- ↑ See BirdLife International (2007a. b).
- Shorebirds de Hayman, Marchant kaj Prater (ISBN 0-395-60237-8)
- BirdLife International (2007a): 2006-2007 Red List status changes. Alirita la 26an de aŭgusto 2007.
- BirdLife International (2007b): Chestnut-banded Plover - BirdLife Species Factsheet. Alirita la 26an de aŭgusto 2007.
Eksteraj ligiloj
[redakti | redakti fonton]- Brunbenda pluvio - Species text in The Atlas of Southern African Birds.
| ||||||||||||||||||