Bufalo-flugilaĵo

El Vikipedio, la libera enciklopedio
Salti al navigilo Salti al serĉilo

Bufalo-flugilaĵo, en la kuirarto de Usono, estas senpana koka flugilaĵo, kiun oni kutime plenmerĝe fritas kaj poste tegas en saŭcon konsistantan el vinagro-bazita kajenpipra pika saŭco kaj fandita butero antaŭ ol servi ĝin.[1][2][3] La Bufalo-flugilaĵo estis inventita en 1964 ĉe Anchor Bar en Bufalo, Nov-Jorkio de Teressa Bellissimo.[4] Oni kutime servas ilin varmaj, kune kun etaj "bastonetoj" el celerio kaj/aŭ karoto kun aŭ ranĉa aŭ bluŝim-fromaĝa saŭco por entrempi ilin.

Bufalo-flugilaĵoj populariĝis en Usono kaj eksterlande ekde sia invento kaj diversaj nord-amerikaj restoraciaj ĉenoj prezentas ilin kiel sian ĉefan menuaĵon. Nuntempe, la prefikso "Bufalo-" aŭ adjektivo "Bufalo-stila" estas nun ofte aplikata ankaŭ al manĝaĵoj aliaj ol flugilaĵoj.[5] Kelkaj ĉi tiaj inkluzivas nugetojn el kokaĵo, kokajn fritaĵojn, kokajn pecojn, salikokojn, sandviĉojn kaj picon kune kun multaj aliaj manĝaĵoj, kiuj estas spicitaj per la Bufalo-stila saŭco aŭ Bufalo-gusta spicaĵo.[6] Ekzistas ankaŭ vegetaranaj kaj veganaj variaĵoj, kiuj povas uzi veganan margarinon por la saŭco super diversaj viand-anstataŭaĵoj.

Referencoj[redakti | redakti fonton]