Carles Puigdemont i Casamajó

El Vikipedio, la libera enciklopedio
Saltu al: navigado, serĉo
Carles Puigdemont i Casamajó
Retrat oficial del President Carles Puigdemont (cropped).jpg
Personaj informoj
Naskiĝo 29-an de decembro 1962 (1962-12-29) (55-jara)
en Amer
Loĝloko Bruselo, Ĝirono, Sant Julià de Ramis
Ŝtataneco Hispanio
Profesio ĵurnalisto, politika aktivisto, politikisto
Oficiala retejo http://www.carlespuigdemont.cat/
Lingvoj kataluna lingvo, hispana lingvo, angla lingvo, franca lingvo, rumana lingvo
Verkaro Cata… què?
Familianoj
Edz(in)o

Marcela Topor

Infanoj 2
v  d  r
Information icon.svg

Carles Puigdemont i Casamajó (prononco esperantlingva [KARles puĝdeMON i KazemeĴO], laŭ sistemo IFA prononco [ˈkarɫəs pudʒðəˈmon i kazəməˈʒo]; naskiĝinta la 29-an de decembro 1962 en Amer, Selva) estas kataluna ĵurnalisto kaj politikisto, eksa prezidanto de la kataluna registaro.

Biografio[redakti | redakti fonton]

Carles Puigdemont devenas el bakista familio kaj estas la dua de ok infanoj. Ekde la jaro 2000 li estas edzo de rumana ĵurnalistino Marcela Topor kun kiu li havas du filinojn. Li komencis studi katalunistikon, poste li studis ĵurnalismon kaj en la studenta epoko jam komencis kunlabori kun lokaj gazetoj. Ekde 1988 ĝis 2006 li estis ĉefredaktoro de la ĵurnalo El Punt, kie li komencis labori en 1982. En 1994 li publikigis la libron Cata... què?, kie li analizas, kiel la amerika kaj eŭropa gazetaro pritraktas la katalunan politikon. Inter 1999 kaj 2002 li estis la unua direktoro de la kataluna agentejo pri novaĵoj (ACN). Li estis ankaŭ direktoro de la anglalingva gazeto Catalonia Today, kiun li fondis en 2004.

Dum la 1980-aj jaroj li estis aktivulo de La Crida, organizaĵo kiu defendis la katalunan lingvon. En 1983 li aliĝis al la asocio de junuloj de la katalunisma dekstra partio CDC. Ekde 2006 li estas ano de la kataluna parlamento. En 2011 li estis elektita urbestro de Ĝirono, rompante 32-jaran tradicion dum kiu regis la urbon la partio de la socialistaj katalunoj (PSC). La 10-an de januaro 2016 li estis elektita prezidanto de la kataluna registaro per la subteno de la parlamentaj grupoj Junts pel Sí (Kune por la Jeso) kaj CUP-CC (Popol-Unueca Kandidataro).[1][2]

Verkoj[redakti | redakti fonton]

  • 1994 Cata... què?

Referencoj[redakti | redakti fonton]

Eksteraj ligiloj[redakti | redakti fonton]