Schluein

Schluein
Blazono de Schluein
Schluein
komunumo en Svislando
Kantono	Grizono
Distrikto	Surselva
Komunumaro	Ilanz
Koordinatoj	46° 47′ 24″ N 9° 13′ 48″ O (mapo)
Nombro de loĝantoj	486
Areo	4,79 km²
Alteco	762 m super marnivelo
Poŝtkodo	7151
Komunumkodo	3582
Mapo de Schluein

Pri la komunumo

Schluein (oficiala germanlingva nomo ĝis 1983 estis 1983 Schleuis) estas komunumo de la komunumaro Ilanz kaj la distrikto Surselva en Kantono Grizono, Svislando. Ĝi havis 486 loĝantojn je la 31-a de decembro 2009.

Geografio

Schuein situas norde de la Antaŭa Rejno, kiu formas la sudan limon de la komunumo. La komunumo konsistas el la vilaĝoj Casanova, Schluein kaj Falerin.

Najbaraj komunumoj

Schluein limas en nordo al Falera, en oriento al Sagogn, en sudo al Castrisch, en sudokcidento al Ilanz, en okcidento al Ruschein, kaj en nordokcidento al Ladir.

Trafiko

Tra Schluein pasas la kantona ĉefvojo n-ro 19 de Tamins tra Ilanz al la Oberalppasejo. La komunumo estas konektita al la publika transportreto per poŝtaŭtolinio de Koiro tra Laax al Ilanz.

Historio

Falerin estis menciita la unuan fojon en la jaro 831 kiel Falerunae, dum la unua dokumenta mencio de Schluein datiĝas el la jaro 1298 kiel Sluwen.

Sur la komunuma teritorio troviĝas prahistoria kultejo kun du megalitoj el la 2-a jarmilo antaŭ Kristo.

De mezepoko ĝis 1803 Schluein estis sub la regado de la mastroj de Burgo Löwenberg. La origina Burgo Löwenberg la 14-an de aprilo 1889 komplete bruliĝis. La episkopa orfejo, kiu ek de 1851 havis sian sidejon en la burgo translokiĝis al nova konstruado sudokcidente de la malnova burgo, kiu estis konstruita el ties ŝtonoj.

Eksteraj ligiloj

• Oficiala retejo de la komunumo Schluein
• Schluein en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Schluein – (Kolekto de bildoj kaj plurmediaj dosieroj)

Bildoj

• 
  Nova Burgo Löwenberg
• 
  Ruino de la malnova Burgo Löwenberg
• 
  Preĝejo de Schluein