Cho Sung Ho

El Vikipedio, la libera enciklopedio
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Cho Sung Ho
Persona informo
Wikidata-logo.svg
Information icon.svg
vdr

Cho Sung Ho naskiĝis en 1956 kaj esperantistiĝis en 1973, kaj aktivis en la movado, interalie kiel ĉefredaktoro de gazeto La Espero el Koreio kaj vicprezidanto de Korea Esperanto-Asocio.

Inter liaj verkaĵoj troviĝas Ĉunhjang: Koreaj Rakontoj (traduko, 1975), Elementa Kurslibro de Esperanto (1980, kaj pluraj eldonoj), Bildstria Gvido al Genetiko (traduko, 1996), Koreaj Malnovaj Rakontoj (traduko, 1997) kaj Bunsun kaj Aiko (originala rakonto, 2020). Li ankaŭ kompilis la verkon Korea Antologio de Noveloj (1999 kaj 2017) kaj tradukis ĝiajn kvin novelojn.

Li partoprenis en la reviziado de Nova Plena Ilustrita Vortaro (2002) por la fakoj de Biologio kaj Fiziologio kaj Botaniko.

Diplomite pri botaniko el Seula Nacia Universitato (1977), li studis plu en Usono kaj gajnis doktorecon en la Universitato de Teksaso ĉe Austin en 1987. Li fariĝis profesoro pri molekula biologio kaj fiziologio de plantoj en la Inha Universitato en 1991 kaj eksiĝis en 2015.