Cinamotinamo
 | ||||||||||||||
|---|---|---|---|---|---|---|---|---|---|---|---|---|---|---|
 Cinamotinamo
| ||||||||||||||
| Biologia klasado | ||||||||||||||
| ||||||||||||||
| Crypturellus cinnamomeus (Lesson, 1842)[1] | ||||||||||||||
| Konserva statuso | ||||||||||||||
subspecioj
| ||||||||||||||
|
C. c. cinnamomeus | ||||||||||||||
Aliaj Vikimediaj projektoj
| ||||||||||||||
La Cinamotinamo (Crypturellus cinnamomeus) estas birdospecio de la familio de Tinamedoj komune troviĝanta en humidaj arbaroj en subtropika kaj tropika Centra Meksiko.[3] Kvankam la Cinamotinamo estas agnoskita de plej fakuloj, la SACC ankoraŭ klasigas tiun birdon kiel subspecio de Crypturellus erythropus, nome la Ruĝkrura tinamo.[4]
Taksonomio
Ĉiuj tinamoj estas el la familio Tinamedoj, kaj en pli granda skemo estas ankaŭ Paleognatoj. Malkiel la tre konataj neflugaj birdoj el Paleognatoj nome Strutoformaj kiaj la Struto, la Emuo kaj aliaj, la tinamoj povas flugi, kvankam ĝenerale ili ne estas fortaj flugantoj. Ĉiuj Strutoformaj evoluis el prahistoriaj flugantaj birdoj, kaj la Tinamoformaj estas la plej proksimaj vivantaj parencoj de tiuj birdoj.[5]
René-Primevère Lesson identigis la Cinamotinamon el specimeno el Departemento La Unión, Salvadoro, en 1842.[5]
Subspecioj
La Cinamotinamo, Crypturellus cinnamomeus, loĝanta el nordokcidenta Kostariko norda al Puebla, kaj la tutaj marbordoj de Atlantiko kaj de Pacifiko de Meksiko eksklude Sonora[3] havas multajn subspeciojn kiuj estas la jenaj:
- C. c. cinnamomeus (nomiga raso) loĝanta en marborda sudorienta Meksiko (ŝtato Chiapas), Salvadoro, Gvatemalo, kaj Honduro[3]
- Crypturellus cinnamomeus occidentalis loĝanta en marborda okcidenta Meksiko (ŝtatoj Sinaloa, Nayarit, Jalisco, Colima, Michoacán, kaj Guerrero).[3]
- Crypturellus cinnamomeus mexicanus loĝanta en marborda nordorienta Meksiko (ŝtatoj Tamaulipas, norda Veracruz, kaj Puebla)[3]
- Crypturellus cinnamomeus sallaei loĝanta en suda Meksiko (ŝtatoj Puebla, Chiapas, Oaxaca, kaj suda Veracruz)[3]
- Crypturellus cinnamomeus goldmani loĝanta en sudorienta Meksiko (Jukatana Duoninsulo; ŝtatoj Jukatano, Quintana Roo, Campeche, kaj orienta Tabasco), norda Belizo, kaj norda Gvatemalo (Peten)[3]
- Crypturellus cinnamomeus soconuscensis loĝanta en deklivaro al Pacifiko de sudokcidenta Meksiko (Chiapas kaj Oaxaca)[3]
- Crypturellus cinnamomeus vicinior loĝanta en altaj teroj de suda Meksiko (Chiapas), Gvatemalo, kaj okcidenta Honduro[3]
- Crypturellus cinnamomeus delattrei loĝanta en malaltaj teroj de pacifika marbordareo de okcidenta Nikaragvo (Ĉinandego, Leono, Managvo, Karazo, Masajo, Granado, kaj Rivas)[3]
- Crypturellus cinnamomeus praepes loĝanta en malaltaj teroj de nordokcidenta Kostariko (Guanacaste, kaj norda Puntarenas)[3]
Etimologio
Crypturellus estas formata el la grekaj vortoj κρυπτός (kriptós), "kovrita" aŭ "kaŝita", οὐρά (urá), "vosto", kaj -ellus, latina diminutiva sufikso. La genronomo Crypturellus entute signifus "malgranda kaŝvostulo".[6] La specinomo cinnamomeus originis el la latina vorto kiu aludas al la cinama koloro.
Aspekto
La Cinamotinamo estas 27 al 29 cm longa kaj pezas 440 g.[5] Ties supraj partoj estas brunaj, tre striecaj nigrece ĉe dorso, pugo kaj flugiloj. Ties subaj partoj estas palbrunaj, cinamokoloraj ĉe brusto (kio nomigas la specion), pli grizaj ĉe ventro kaj subvosto estas blankeca kun malhela bendaro. Ties kapo estas bruna kun elstara sablokolora superokulo kaj tre markata orelkovrila makulo kun beko bruneca kaj kruroj ruĝaj.
Kutimaro
Tiu specio havas monotonan voĉon ‘huu-uu’, sone kiel vapormotoro. La Cinamotinamo povas troviĝi en paroj, familioj aŭ soleca birdo kaj kiel plej tinamoj ĝi preferas piediri pli ol flugi.[5]
Manĝo
Kiel plej tinamoj ĝi manĝas fruktojn, semojn kaj senvertebrulojn.[5]
Reproduktado
Kiel plej tinamoj ĝi metas sian neston surgrunde inter altaj radikoj. Ĝi enhavas ĉirkaŭ tri ovojn, sed ankaŭ tiom multajn kiom ĝis sep, kiuj estas brilpurpuraj. Tiu specio kaj la Ardezbrusta tinamo produktas hibridojn.[5]
Teritorio
Tiu specio havas teritoriojn el Sinaloa, (marbordo de okcidenta Meksiko), al Kostariko, kaj orienta marborda Meksiko, el limo kun Usono al Belizo. En la suda parto de ties teritorio ĝi kuraĝas ankaŭ al altaj teroj.[3]
Habitato
Tiu specio preferas humidajn arbarojn, riverarbarojn, deciduajn arbarojn kaj duarangajn arbarojn de malaltaj teroj[7] en subtropikaj kaj tropikaj regionoj, sed troviĝas ankaŭ en arbustaroj kaj pli sekaj arbaroj ĝis 1,850 m altitude.[5][8]
Konservado
La IUCN listigis tiun birdospecion kiel Malplej Zorgiga,[9] kun loĝa teritorio de 600,000 km2.[8]
Notoj
Referencoj
- American Ornithologists' Union (1998) [1983]. "Tinamiformes: Tinamidae: Tinamous" (PDF). Check-list of North American Birds (7a eld.). Washington, D.C.: American Ornithologists' Union . p. 2 . ISBN 1-891276-00-X
- BirdLife International (2008(a)). "Thicket Tinamou - BirdLife Species Factsheet". Data Zone. Konsultita 08 Feb 2009.
- Brands, Sheila (Aug 14 2008). "Systema Naturae 2000 / Classification, Crypturellus cinnamomeus". Project: The Taxonomicon. Konsultita 04 Feb 2009.
- Clements, James (2007). The Clements Checklist of the Birds of the World (6 ed.). Ithaca, NY: Cornell University Press. ISBN 978-0-8014-4501-9.
- Davies, S.J.J.F. (2003). "Tinamous". In Hutchins, Michael. Grzimek's Animal Life Encyclopedia. 8 Birds I Tinamous and Ratites to Hoatzins (2 ed.). Farmington Hills, MI: Gale Group. pp. 57–59, 62–63. ISBN 0-7876-5784-0.
- Gill, F.; Wright, M.; Donsker, D. (19 Jan 2009). "IOC World Birdlist 2.0". IOC World Bird List. WorldBirdNames.org. Retrieved 08 Feb 2009.
- Gotch, A. F. (1995) [1979]. "Tinamous". Latin Names Explained. A Guide to the Scientific Classifications of Reptiles, Birds & Mammals. New York, NY: Facts on File. p. 183. ISBN 0-8160-3377-3.
| ||||||||||||||||||
- ↑ Brands, S. (2008)
- ↑ 2,0 2,1 2,2 2,3 2,4 2,5 2,6 2,7 2,8 Brands, Sheila (Aug 14 2008). "Systema Naturae 2000 / Classification, Crypturellus cinnamomeus". Project: The Taxonomicon. Konsultita 04 Feb 2009.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 Clements, J (2007)
- ↑ Gill, F. (2009)
- ↑ 5,0 5,1 5,2 5,3 5,4 5,5 5,6 Davies, S. J. J. F. (2003)
- ↑ Gotch, A. F. (1995)
- ↑ American Ornithologists' Union (1998) [1983]. "Tinamiformes: Tinamidae: Tinamous" (PDF). Check-list of North American Birds (7a eld.). Washington, D.C.: American Ornithologists' Union . p. 2 . ISBN 1-891276-00-X
- ↑ 8,0 8,1 BirdLand International (2008)(a)
- ↑ BirdLife International (2012). Crypturellus cinnamomeus. Internacia Ruĝa Listo de Endanĝeritaj Specioj. Versio 2012.1. Internacia Unio por la Konservo de Naturo. Elŝutita 16a Julio 2012.