Karolina konuro
 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Biologia klasado | ||||||||||||||||||||
| ||||||||||||||||||||
| Conuropsis carolinensis (Linnaeus, 1758) | ||||||||||||||||||||
| Konserva statuso | ||||||||||||||||||||
Sinonimoj
| ||||||||||||||||||||
|
Psittacus carolinensis Linnaeus, 1758 | ||||||||||||||||||||
Aliaj Vikimediaj projektoj
| ||||||||||||||||||||
.jpg)
La Karolina konuro (Conuropsis carolinensis) aŭ Karolina papago estis malgranda verde amerika papago kiu havis brilflavan kapon, ruĝecoranĝan vizaĝon kaj helan bekon indiĝena de orienta, mez-okcidenta kaj grandebena Usono kaj estis la nura indiĝena papago ene de tu teritorio. Ĝi troviĝis el suda Novjorkio kaj Viskonsino al Kentukio, Tenesio kaj la Golfo de Meksiko, el la atlantika marbordo ĝis tiom for okcidente kiom ĝis orienta Koloradio. Ĝi loĝis en praarbaroj laŭlonge de riveroj kaj en marĉoj.[1] Ĝi estis nomita puzzi la née ("flavkapulo") aŭ pot pot chee de la Seminoloj kaj kelinki en ĉikasaŭa lingvo.[2] Kvankam iam sufiĉe abunda ene de sia teritorio, la birdo iĝis rara en la mezo de la 19a jarcento. La lasta konfirmita vidaĵo en naturo estis de lasubspecio ludovicianus en 1910. La lasta konata specimeno pereis en kaptiveco ĉe la Bestoĝardeno de Cincinnati en 1918[3] kaj la specio estis deklarita formortinta en 1939.
Aspekto
[redakti | redakti fonton]
La plimulto de la plumaro de tiuj papagoj estis verda kun pli helverdaj subaj partoj, hele flava kapo kaj oranĝa frunto kaj vizaĝo etendiĝantaj ĝis malantaŭ la okuloj kaj supraj vangoj (bridoj). La ŝultroj estis flavaj, daŭrigante laŭ la ekstera rando de la flugiloj. La primaraj plumoj estis plejparte verdaj, sed kun flavaj randoj sur la eksteraj unuarangaj plumoj. La femuroj estis verdaj direkte al la supro kaj flavaj direkte al la piedoj. Masklaj kaj inaj plenkreskuloj estis identaj laŭ plumaro, tamen maskloj estis iomete pli grandaj ol inoj (sekse dimorfaj nur laŭ grandeco). Iliaj kruroj kaj piedoj estis helbrunaj. Ili havis la zigodaktilajn piedojn komunajn al la tuta papaga familio. Iliaj okuloj estis ĉirkaŭitaj de blanka haŭto kaj iliaj bekoj estis palharkoloraj. Ĉi tiuj birdoj pezis ĉirkaŭ 3.5 uncojn, estis 13 colojn longaj, kaj havis envergurojn de 21–23 coloj.
Tiuj birdoj estis sufiĉe longvivaj, almenaŭ en kaptiteco: paro estis tenata en la bestoĝardeno de Cincinnati dum pli ol 35 jaroj.
Referencoj
[redakti | redakti fonton]- ↑ Griggs, Jack L.. (1997) American Bird Conservancy's Field Guide to All the Birds of North America. Nov-Jorko: HarperPerennial. ISBN 0-06-273028-2.
- ↑ Snyder, Noel F. & Russell, Keith. (2002) “Carolina Parakeet (Conuropsis carolinensis)”, A. Poole & F. Gill: The Birds of North America 667. Philadelphia, PA: The Birds of North America, Inc.. doi:10.2173/bna.667.
- ↑ Dan A. Tallman, David L. Swanson, Jeffrey S. Palmer. (2002) Birds of South Dakota. Midstates/Quality Quick Print, p. 181. ISBN 0-929918-06-1.
Literaturo
[redakti | redakti fonton]- Cokinos, Christopher (2009) Hope Is the Thing with Feathers: A Personal Chronicle of Vanished Birds (Chapter 1: Carolina Parakeet), Tarcher ISBN 978-1585427222
- Snyder, Noel (2004) The Carolina Parakeet: Glimpses of a Vanished Bird, Princeton University Press ISBN 978-0691117959
- Julian P. Hume, Michael Walters (2012) Extinct Birds (p. 186), Poyser Monographs ISBN 978-1408157251
Eksteraj ligiloj
[redakti | redakti fonton]- Songbird Foundation Birds: Extinct Species Carolina Paroquet. Arkivita el la originalo je 2010-09-24.
Arkivigite je 2010-09-24 per la retarkivo Wayback Machine
- Species profile Arkivigite je 2014-09-03 per la retarkivo Wayback Machine - World Parrot Trust
- 3D view Arkivigite je 2011-06-08 per la retarkivo Wayback Machine of specimen RMNH 110.043 ĉe Naturalis, Leiden (postulas serĉilon QuickTime).
- Fact file Arkivigite je 2011-08-20 per la retarkivo Wayback Machine – ARKive
- "Carolina Parakeet (Conuropsis carolinensis) kaj Migrokolombo (Ectopistes migratorius)" - Carolina Nature
- "Carolina Parakeet: Removal of a Menace" - Cornell Lab of Ornothology
- "The Extinct Carolina Parakeet" Arkivigite je 2010-03-27 per la retarkivo Wayback Machine - Ivory Bill
- News - City Parrots