Crédit Lyonnais

El Vikipedio, la libera enciklopedio
Salti al navigilo Salti al serĉilo

Crédit Lyonnais (ekde 2005 LCL) estas franca historia banko. Komence de la 1990-aj jaroj, ĝi estis la plej granda franca banko, majoritate posedaĵo de la ŝtato. En tiu periodo, Crédit Lyonnais elstaris pro malbona administrado kiu preskaŭ portis ĝin al la bankroto en 1993. Finfine, ĝi estis akirita de alia franca banko, nome Crédit Agricole, en 2003.

Ĝi estis fondita en Lyon fare de Henri Germain. Crédit Lyonnais estis la plej granda banko de la mondo en 1900. Ĝi estis ŝtatigita en 1945, kiel la plej granda parto de la banka sektoro en Francio post la Dua Mondmilito.

Kun nova estreco la banko faris enorman etendon ekde 1988, kaj ĝi estis celo de nombraj skandaloj, kaj kontribuis al ĝi enorma ŝuldo de 150 000 milionoj da frankoj (ĉirkaŭ 23 000 milionoj da eŭroj). Crédit Lyonnais iĝis la ĉefa pruntisto de la studioj de Holivudo dum la 1980-aj jaroj.