Daniel Eyquem

Daniel Eyquem
Persona informo
Naskiĝo	13-an de marto 1852 (1852-03-13) en Bordeaux
Morto	24-an de januaro 1926 (1926-01-24) (73-jaraĝa) en Parizo
Lingvoj	Esperanto
Okupo
Okupo	esperantisto

Daniel EYQUEM (prononco [ekEM], nask. la 13-an de marto 1852 en Bordozo, mortis la 24-an de januaro 1926 en Parizo) estis franca esperantisto, supera juĝisto kaj prokuroro en Limoges.

Esperanto

Li aliĝis al Esperanto en 1906 kaj tuj entuziasmiĝis. Dum sia cetera vivo li laboris por la ideo.

Postenoj :

• Vicprezidanto de la grupo (1907).
• En 1923 elektita prezidanto de la SFPE, la Societo Franca por la Disvastigo de Esperanto, kiu intertempe nomiĝas Espéranto-France.

La tasko estis malfacila. En tiu momento la Societo aliformiĝas; ĝi estis Asocio de individuoj; ĝi fariĝas unuiĝo de grupoj kaj federacioj. Malgraŭ sia aĝo, li akceptis tiun rolon.

Plie li pli speciale klopodis letere kaj persone ĉe la registaro kaj la grandaj publikaj institucioj. Al sia arda idealismo li kunigis flaman esperon kaj laboro-povon admirindajn.

Verkoj

• La Hundo parolanta. Duakta burleska komedieto. Eldonis Esperantista Presejo Parizo, 1921.

	„ Tre sprita teatraĵeto, kies ludloko estas Taraskono ia hejmloko de la fama Tartarin! Tiu detalo sufiĉe edifas la leganton pri la speco de tiu komedieto, tre lerte kunmetita. Ĝi enhavas 6 virajn kaj 3 virinajn rolojn, kaj estas tre taŭga por Esperantistaj Grupetoj ” — Belga Esperantisto n083-084 (jan-feb 1921)

Antaŭe:	Prezidanto de la Societo Franca por la Disvastigo de Esperanto	Poste:
Maurice Rollet de l'Isle	1923–1926	Ernest Archdeacon