Darma tago
| Darma tago | |
|---|---|
| Tradukoj de आसाळ्हपूजा (Āsāḷha pūjā) | |
| Esperante | Darma tago |
| Palie | आसाळ्हपूजा (Āsāḷha pūjā) |
| Sinhale | Esala Poya |
| Taje | อาสาฬหบูชา (Asanha Bucha)[1] |
 Terminaro de Budhismo
| |
Darma tago estas Teravada festo celebrita la plenlunan tagon de la monato Aŝado[noto 1] en Srilanko, Bangladeŝo, Birmo, Tajlando,[1] Laoso, Kamboĝo kaj aliaj landoj kun Teravadanoj. Ĝi estas unu el la plej gravaj Teravadaj festoj, ĉar ĝi festas la unuan predikon de la budho Gotamo, per kiu li eksplikis al siaj kvin ŝramanaj ekskamaradoj kion li malkovris kiam li atingis budhecon.
La prediko okazis en la cervoparko de Sarnato post lia atingo de budhieco kaj la sutro kiu rakontas pri ĝi estas la Sutro de la ekturno de la darmorado (Dhammacakka-ppavattana-sutta),[2] unu el la plej gravaj sutroj en budhismo.[3] Ĝia ĉefa temo estas la kvar veroj de la arahantoj[4][5] (cattāri-ariya-saccāni), formulo[6] pri la baza orientiĝo de la instruoj de la budho:[7] la veroj de sufero, kaŭzo, ĉeso kaj metodo.[8][5] Ĉi tiu sutro ankaŭ parolas pri la meza vojo, neĉiameco kaj dependa ekesto.
La tago estas celebrita per oferado al bikŝuejoj kaj aŭskultado de predikoj. La venonta tago estas la unua tago de pluvrifuĝo. En la taja, tiu tago nomiĝas Wan Khao Phansa (วันเข้าพรรษา).
Vidu ankaŭ[redakti | redakti fonton]
Notoj[redakti | redakti fonton]
- ↑ Ĉirkaŭ Julio.
Referencoj[redakti | redakti fonton]
- ↑ 1,0 1,1 Festoj de la Reĝa Embasadejo de Tajlando en Usono.
- ↑ Thanissaro Bhikkhu (30-11-2013). "Dhammacakkappavattana Sutta: Setting the Wheel of Dhamma in Motion" (SN 56.11). Access to Insight (BCBS Edition).
- ↑ Anderson, Carol. (1999) Pain and Its Ending: The Four Noble Truths in the Theravada Buddhist Canon, p. 55.
- ↑ Williams, Paul. (2002) Buddhist Thought, p. 41.
- ↑ 5,0 5,1 Keown, Damien. (2013) “4: The Four Noble Truths”, Buddhism: A Very Short Introduction, p. 48–62. ISBN 978-0-19-966383-5.
- ↑ Norman, K.R.. (2003) “The Four Noble Truths”, Indological and Buddhist Studies (Volume for J.W. de Jong), K.R. Norman Collected Papers II, p. 210 – 223.
- ↑ Gethin, Rupert. (1998) Foundations of Buddhism, p. 59.
- ↑ Carol Anderson. (2004) Encyclopedia of Buddhism, p. 295–297. ISBN 0-02-865718-7.
