David MacGill

El Vikipedio, la libera enciklopedio
Salti al navigilo Salti al serĉilo
David MacGill
Persona informo
Naskiĝo 1915
en Skotlando Skotlando
Morto 7-an de decembro 1996
en Nov-Zelando Dunedin, Novzelando
Lingvoj Esperanto
Ŝtataneco Nov-Zelando
Familio
Infano Stefan MacGill
Profesio
Profesio esperantisto
v  d  r
Information icon.svg


David MACGILL (Daĉjo, 1915-1996) mortis la 7-an de decembro en Dunedin (Novzelando) sekve de aŭtoakcidento survoje al familia rekuniĝo. La familianoj funebris lin kaj laŭ maoria kaj laŭ budhisma manieroj.

MacGill naskiĝis en Skotlando, sed vivis en Novzelando (1921-77, 1993-) kaj Japanio (1977-93). E-isto de ĉ. 1935, li estis dum multaj jaroj eduka oficisto de la landa E-asocio (ĝis 1973) kaj produktis dekon da sonbendaj kursoj kaj programoj en Esperanto, i.a. La vivo de Zamenhof, La rakonto pri Aojagi, Homo kaj La vojaĝo de la maorioj. Dumviva membro de UEA, li plenumis delegitajn funkciojn de post 1948 seninterrompe: de la 60-jaroj ankaŭ kiel fakdelegito pri vegetarismo kaj budhismo, poste kiel vicdelegito en Kioto. En sia familio li esperantistigis kvar generaciojn: instigis sian patrinon lerni, instruis la lingvon al ĉiu sia infano (inter kiuj denaske al sia famiĝonta filo Stefan), kaj nun liaj nepoj parolas Esperanton denaske. Antaŭ ok jaroj MacGill deponis ĉe la CO de UEA "materialon por nekrologo" kun la rimarko: "utilus se oni petus al aliaj homoj aktivaj simile verki".