David Sassoli

El Vikipedio, la libera enciklopedio
Salti al navigilo Salti al serĉilo
David Sassoli
Prezidanto de la Eŭropa Parlamento
David Sassoli en 2019
David Sassoli en 2019
Persona informo
David Sassoli
Naskonomo David-Maria Sassoli
Naskiĝo 30-a de majo 1956
en Florenco
Morto 11-an de januaro 2022 (2022-01-11)
en Aviano
Mortis pro pneŭmonito [#]
Tombo Sutri [#]
Lingvoj itala angla franca [#]
Ŝtataneco Italio [#]
Alma mater Universitato de Florenco
Partio Demokrata Partio
Subskribo David Sassoli
Infanoj 2
Profesio
Okupo Ĵurnalisto
Aktiva en StrasburgoBruseloRomo [#]
En TTT Oficiala retejo [#]
Eŭropdeputito
Dum 20092022
Vic-prezidanto de la Eŭropa Parlamento
Dum 2014 – 2019
Prezidento Martin Schulz
Antonio Tajani
Antaŭulo Isabelle Durant
Rainer Wieland
Sekvanto Pavel Telička
Rainer Wieland
Prezidanto de la Eŭropa Parlamento
Dum 20192022
Antaŭulo Antonio Tajani
[#] Fonto: Vikidatumoj
Wikidata-logo.svg
Information icon.svg
vdr

David Maria SASSOLI (n. la  30-an de majo 1956(nun 1956-05-30) en Florenco - m. la 11-an de januaro 2022 en Aviano) , estis itala ĵurnalisto kaj politikisto de la partio Partito Democratico (PD). De 2009 li membris en la Eŭropa Parlamento. De 2014 ĝis 2019 li estis vicprezidanto, kaj de la 3-a de julio 2019 ĝis sia morto li prezidis la Eŭropan Parlamenton.[1]

Kune kun la ĉefministro de Portugalio António Costa (nome de la Prezidanteco de la Konsilio de la Eŭropa Unio), kaj la prezidanto de la Eŭropa Komisiono Ursula von der Leyen li prezidis la Konferencon pri la estonteco de Eŭropo, kiu komenciĝis oficiale la 9-an de majo 2021 (Tago de Eŭropo)[2].

Biografio[redakti | redakti fonton]

Ĵurnalista kariero[redakti | redakti fonton]

David Sassoli finstudis politikan sciencon en la Universitato de Florenco. Post laboro en malgrandaj gazetoj kaj gazetaraj agentejoj, li iĝis membro de la roma redakcio de Il Giorno en 1985. Ekde 1992 li kunlaboris en Telegiornale de la publika televidkanalo Rai 3. Ĉefaj temoj de lia raportado estis la Mafio kaj organizita krimo. En 1997 li ricevis la premion Ischia Internazionale di Giornalismo.[1][3]

En 1999 Sassoli iĝis speciala korespondento de la redakcio de TG1, ĉefa novaĵa ĵurnalo de la televidkanalo Rai 1. Li aktivas en la asocio Articolo 21, kiu subtenas esprimliberecon kaj gazetaran liberecon (protektita en artikolo 21 de la itala konstitucio).[4]

Politika kariero[redakti | redakti fonton]

David Sassoli estis estro de la listo de la Partito Democratico por la regiono de la Centro en la eŭropaj balotoj de 2009 kaj estis elektita eŭropa deputito. Li aliĝis al la grupo de la Progresema Alianco de Socialistoj kaj Demokratoj en la Eŭropa Parlamento.

Reelektita en la 8a leĝdona periodo la 25an de majo 2014, li tiam fariĝis membro de la Komitato pri Transporto kaj Turismo. Denove reelektita kiel Eŭropa Parlamentano en majo 2019, li estis elektita Prezidanto de la Eŭropa Parlamento la 3an de julio 2019, duaraŭnde.

En aprilo 2021, li estis malpermesita eniri Rusion, kiel reprezalio pro punlimigoj starigitaj de Eŭropa Unio en marto[5].

Referencoj[redakti | redakti fonton]