Delcy Rodríguez
_(cropped_2).jpg)
Delcy Eloína RODRÍGUEZ GÓMEZ (naskita la 18-an de majo 1969) estas advokatino kaj venezuela politikisto,[1] de la rega Partio Socialisma Unuiĝinta de Venezuelo. Ŝi estas la nuna Prezidento de Venezuelo, de komenco de januaro 2026.
Deveno kaj eduko
[redakti | redakti fonton]Delcy Rodríguez estas la filino de Jorge Antonio Rodríguez, la kunfondinto kaj Ĝenerala Sekretario de la Socialista Ligo, partio kiu poste kunfandiĝis en la nunan regantan socialistan partion, la Partio Socialisma Unuiĝinta de Venezuelo (PSUV). En 1976, kiam Delcy estis sepjara, ŝia patro estis torturita ĝismorte en venezuela malliberejo. Post diplomiĝo de mezlernejo, ŝi studis juron ĉe la Centra Universitato de Venezuelo en Karakaso. Postdiplomaj studoj pri laborjuro kondukis ŝin al Francio kaj Britio. Ŝia frato, Jorge Rodríguez, estas psikiatro, estis la Ministro pri Komunikado kaj Informo de Venezuelo kaj nuntempe prezidanto de la venezuela Parlamento.
Politika kariero
[redakti | redakti fonton]Rodríguez plenumis publikan oficon dum la epoko de Hugo Chávez, sed ŝia politika kariero komenciĝis en 2013 sub Nicolás Maduro. Laŭ la germana amaskomunikila korporacio kaj televida kanalo Deutsche Welle, ŝi estas konsiderata la plej potenca virino en Venezuelo kaj proksima konfidulino de Maduro. Ŝi transprenis la postenon de venezuela vicprezidanto en 2018 post la prezidantaj elektoj de Tareck El Aissami, kiu estis nomumita Ministro pri Industrio..[2][3]
Ŝi estis nomumita kiel Ministro pri Eksterlandaj Aferoj, Ministro pri Komunikado kaj Informo, kaj Prezidanto de la Konstituciiga Asembleo, kaj kiel diplomato. Ekde la 14-a de junio 2018, ŝi estas vicprezidanto de Venezuelo, kaj samtempe ŝi estris SEBIN, la venezuelan sekretan servon.
Ekde septembro 2017, ŝi estis komence sankciita de Kanado pro malobservo de la venezuela konstitucia ordo. Post ŝia nomumo kiel venezuela vicprezidanto, ŝi ankaŭ ricevis vojaĝmalpermesojn kaj frostigojn de aktivaĵoj de la Eŭropa Unio, kaj poste sankciojn de Svislando kaj Usono.[4][5][6]
La 3-an de januaro 2026, la usona prezidanto Donald Trump deklaris, ke Maduro estis kaptita en usona operaco, kio en la komenco lasis la statuson de Rodríguez en la venezuela administracio neklara.[7]
Laŭ la venezuela juro kaj instigite de la Supera Kortumo, la 5-an de januaro ŝi ĵuris la postenon kiel prezidento de Venezuelo, kiel anstataŭanto de la Prezidento Maduro.
| Antaŭe: | Prezidento de Venezuelo | Poste: |  |
|---|---|---|---|
| Nicolás Maduro | 2026 - nun |
Referencoj
[redakti | redakti fonton]- ↑ "Delcy Rodríguez, diplomacia en pie de guerra: Perfil", Tal Cual, 1 November 2017. (hispane) Arkivigite je 2025-03-19 per la retarkivo Wayback Machine
- ↑ "¡Entérate! Nicolás Maduro anuncia cambio de gabinete vía Twitter", La Patilla, 14 June 2018. (es-ES) Arkivigite je 2019-03-29 per la retarkivo Wayback Machine
- ↑ CIA World Factbook The World Factbook-Central Intelligence Agency. Arkivita el la originalo je 31 May 2021. Alirita 25 June 2018 .
- ↑ "Canada sanctions 40 Venezuelans with links to political, economic crisis", The Globe and Mail, 22 September 2017.
- ↑ "European Union hits 11 more Venezuelans with sanctions", The Miami Herald.
- ↑ "U.S. targets Venezuelans with new sanctions for corruption", UPI.
- ↑ "Live Updates: U.S. Captures Venezuelan Leader, Trump Says", The New York Times, January 3, 2026.