Departemento prezidanto Hayes

El Vikipedio, la libera enciklopedio
Jump to navigation Jump to search
departemento Presidente Hayes

Presidente Hayes in Paraguay.svg
Bazaj informoj
Ĉefurbo Villa Hayes
Areo 72 907 km²
Loĝantaro 108 520 (stato: censo de 2012)
ISO-kodo PY-15
v  d  r
Information icon.svg

La departemento prezidanto Hayes - hispane departamento Presidente Hayes - estas unu el 17 departementoj de Paragvajo, kiuj kun la Ĉefurba Distrikto de Asunciono konsistigas la ŝtatan teritorion. Sur areo de 72 907 kvadrataj kilometroj laŭ la stato de la censo de 2012 vivis 108 520 loĝantoj, kio rezultigas loĝdenson de po 1,5 homoj laŭ kvadrata kilometro. Administra centro estas la urbo Villa Hayes. La departemento pludividiĝas je 8 distriktoj.

Sian nomon la departemento havas laŭ la 19-a prezidento de Usono, Rutherford B. Hayes, kiu de 1877 ĝis 1881 oficis kiel ŝtata prezidanto. Post la milito de la Trilanda Alianco, kiu finiĝis per kompleta malvenko de Paragvajo, li kiel neŭtrala juĝanto pacigis konflikton pri la limo inter Paragvajo kaj Argentino, favore al Paragvajo, kaj tial honoriĝis per la departementa nomo.