La distrikto Kaunas (Kaŭno) de la jaro 1995 ĝis la 1-a de julio2010 estis unu el dek administraj distriktoj de Litovio, kaj troviĝis en la centro de la ŝtato. Kvankam ĝi nun sekve ne plu havas administran funkcion, la loĝantoj de Litovio ankaŭ en 2026 ankoraŭ amplekse uzas ĝin en priskriboj kaj referas al ĝi. Ĝia teritorio inkluzivis partojn de la historiaj regionoj Aŭkŝtajtio kaj Suvalkio.
Kiel la tuta Litovio, ankaŭ la tiama ĉefurba distrikto Kaŭno estis okupita per la agresa armeo de Sovetunio ekde junio 1940, de la same agresa armeo de nazia Germanio de 1941 ĝis 1944 kaj denove per la ruĝa armeo de Sovetunio ekde 1944. En la urboj Kaŭno kaj Vilno tiam estis la plej granda kvanto da litovaj judoj, kiuj ĉiuj minaciĝis per genocido (Vilno estis jam de 1920 kaj 1939 okupita per la armeo de Pollando, sed la sovetuniaj kaj naziaj okupantoj ekde junio 1940 neniigis tiun diferencon kaj la civitanojn de ĉiuj urboj traktis same malbone). Apartan rolon en tiu havis la tielnomata naŭa fortikaĵo (litovedevintas fortas), unu el pluraj defendaj armeaj fortikaĵoj ĉirkaŭ la urbo konstruitaj en la 1900-aj jaroj, kiu situis en la nordo de la urbo - ĝin misuzis kaj la sovetuniaj kaj naziaj okupantoj. 18.11.1942: Komandanto de la nazia sekureca polico kaj de la sekreta servoSD, Karl Jeger, ordonis fermi ĉiujn litovajn ciganojn en tendaro en la distrikta urbo Ežerėlis (litove, en Esperanto "malgranda lago") kun konfisko de ilia posedaĵo.
Vikimedia Komunejo: Kaunas County [+]
