Distrikto Merzig-Wadern

El Vikipedio, la libera enciklopedio
Saltu al: navigado, serĉo
Blazono Mapo
blazono mapo
bazaj informoj
federacia lando: Sarlando
administra sidejo: Merzig
areo: 555 km²
loĝantoj: 103 997 (fine de 2015)
aŭtokodo: MZG
oficiala kodo: 10042
Situo ene de Sarlando
situo de la distrikto en Sarlando

La distrikto Merzig-Wadern [prononco "Mercik-Vadern"] estas unu el ses distriktoj de la germana federacia lando Sarlando, laŭ areo la plej granda el la ses. Ĝia administra sidejo estas la urbo Merzig.

Najbaras la distriktoj Trier-Saarburg norde, Sankt Wendel oriente, Saarlouis sude kaj al Francio plus la Grandduklando Luksemburgo okcidente. La limon al Francio kaj Luksemburgio konsistigas la rivero Mozelo.

Geografio[redakti | redakti fonton]

La distrikto ampleksas tri pejzaĝon: la valon laŭlonge de la rivero Saro, kiu de la urbo Saarlouis trafluas la okcidentan distriktan teritorion direkte al la urbo Trevero (en tiu valo ankaŭ situas la fama rivera kurbiĝo "Saarschleife" ["Zarŝlajfe"] apud la loko Mettlach ["Metlaĥ"]), la randan parton de la mezalta montaro Hunsrück ["Hunsryk"] en la norda distrikta teritorio kaj la orienta montetara lando Priems-Blies, proksima al la riveroj Saro kaj Nahe.

La sola vinkultiva tereno de Sarlando situas en la komunumo Perl borde de la rivero Mozelo.

fama vala kurbiĝo de la rivero Saar en Mettlach


Urbaj kaj neurbaj komunumoj[redakti | redakti fonton]

kastelo Münchweiler

(unuopaj nombroj de enloĝantoj laŭ la stato fine de decembro 2006)

Urboj

  1. Merzig (30.885)
  2. Wadern (16.933)

Pliaj komunumoj

  1. Beckingen (15.819)
  2. Losheim am See (16.731)
  3. Mettlach (12.488)
  4. Perl (6.760)
  5. Weiskirchen (6.380)

Eksteraj ligiloj[redakti | redakti fonton]