Doctor Esperanto and the Language of Hope
| Doctor Esperanto and the Language of Hope | |
|---|---|
| |
| literatura verko | |
| Aŭtoroj | |
| Lingvoj | |
| Lingvo | angla lingvo |
| Eldonado | |
| Eldondato | 2019 |
Doctor Esperanto and the Language of Hope estas infana bildlibro pri la estiĝo de Esperanto fare de Mara Rockliff kun ilustraĵoj de Zosia Dzierżawska. La rakonto temas pri kiel juna plenkreskulo L. L. Zamenhof komencis elpensi komunan lingvon. Ĝi traktas iujn el la problemoj, kiujn li renkontis inventante lingvon, kaj kiel li realigis sian revon pri komuna lingvo kontraŭ la deziroj de sia patro. La rakonto kulminas per universala kompreno de la esperanta parolado de Zamenhof ĉe la unua Universala Kongreso.
La ĉarmaj ilustraĵoj donas aldonan klarigan tavolon al la teksto. Ekzemple, sur la paĝo pri kiel Zamenhof provis uzi vortojn, kiujn plej multaj homoj konus, naŭ similaj vortoj por "kato", parigitaj kun naŭ malsamaj katoj, montras similecojn inter eŭropaj lingvoj. La silentigita paletro kaj lignokarbaj konturoj donis al roluloj varman senton, dum la komiksa simpleco de iliaj esprimoj faciligis la komprenon de tiuj esprimoj.
Ĉi tiu libro estas bela anglalingva enkonduko al la ideoj malantaŭ Esperanto. Ofte estas natura priskribi Esperanton en abstrakta, idealisma lingvo; la maniero kiel la libro enkadrigas la problemon en la kunteksto de la vivo de Zamenhof igas ĝin tuj rilatebla tiel, ke lingva filozofio ne estas. Eble la rakonto ne tuj kaptus la atenton de kvarjara infano, sed infanoj pli ol sepjara aprezos ĉi tiun historion de inventema junulo.
La kursiva surskribo en la ilustraĵoj povas esti malfacile legebla por iuj infanoj, kaj la libro ne provizas elparolan gvidilon, do neesperantistaj legantoj ne scios kiel prononci iujn vortojn - ekzemple en la ilustraĵo pri fiŝoj. Esperantistoj tamen estos hejme, kaj la bela libro farus bonegan donacon al loka biblioteko aŭ al kara infano.
Disdono[redakti | redakti fonton]
la usona grupo PJ Library, kiu donacas judtemajn infanlibrojn senkoste al familioj, mendis 34 200 broŝuritajn ekzemplerojn de la libro por disdoni tra Nordameriko. Laŭdire, la familioj ricevos la librojn en Februaro de 2022. [1]
Eldono[redakti | redakti fonton]
Rockliff, Mara (author), Dzierżawska, Zosia (illustrator). Doctor Esperanto and the Language of Hope. Candlewick Press, 2019. ISBN 9780763689155. [2]
Referencoj[redakti | redakti fonton]
- ↑ UE 2021:3 Libro pri Esperanto iros al dekmiloj
- ↑ UE 2019:2 angla Review: Doctor Esperanto and the Language of Hope