Dreves Uitterdijk

El Vikipedio, la libera enciklopedio
(Alidirektita el Dreves UITTERDIJK)
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Dreves Uitterdijk
Dreves Uitterdijk en 1906
Dreves Uitterdijk en 1906
Persona informo
Naskiĝo 25-an de februaro 1866 (1866-02-25)
en Readtsjerk
Morto 13-an de aŭgusto 1940 (1940-08-13) (74-jara)
en Hilversum
Lingvoj Esperantonederlanda lingvo
Ŝtataneco Reĝlando de Nederlando
Profesio
Profesio esperantisto
Information icon.svg
vdr

Dreves UITTERDIJK (naskiĝis la 25-an de februaro 1866 en Readtsjerk, Frislando, mortis la 13-an de aŭgusto 1940 en Hilversum) estis nederlanda institutestro, poste korektisto kaj esperantisto ekde 1898. Li estis ano de la Lingva Komitato de 1905 ĝis sia morto en 1940, kaj pioniro de la Esperanto-movado en Nederlando. Li mempriskribis kiel "liberpensulo kun rozkolora nuanco."[1]

Verkoj[redakti | redakti fonton]

Uitterdijk verkis la unuan detalan lernolibron por nederlandanoj, surbaze de la Manuel Complet de Louis de Beaufront de 1892. La Volledig Leerboek der opkomende wereldtaal Esperanto aperis la 1-an de decembro 1901 (la lernolibro de Jacob Leendert Bruijn, kiu aperis unu jaron pli frue en 1900 en Amsterdamo, estis nur malgranda). En majo 1902 li fondis la gazeton La Holanda Pioniro, de li redaktita kaj administrita, kiu malaperis fine de 1905 pro financaj problemoj. Li verkis vortarojn Nederlanda-Esperanto (1909) kaj Esperanto-Nederlanda (1913) kaj ekzercarojn (Oefeningsboekje, 1907, kaj Taga konversacio en Esperanto laŭ verko de Jean Borel, ĉirkaŭ 1920); li faris paroladojn, gvidis kursojn, skribis informajn artikolojn. En la 1920-aj jaroj Uitterdijk verkis novan lernolibron, Volksleerboek ("Popola Lernolibro", 1926/27) kaj tradukis amuzan bild-libron Vojaĝoj kaj Aventuroj de Sinjoro Longkrurulo (1927).

Uitterdijk helpis la starigon de la Nederlanda Esperanto-Societo "La Estonto estas Nia" en 1905. Oferinte por Esperanto en la unuaj jaroj sian tutan liberan tempon, sian energion kaj tutan ŝparmonon, li post 1905 iom malpli aktiviĝis. Tamen li prizorgis ĝis 1923 recenz-rubrikon en restarigita Holanda Pioniro. En 1925-27 li redaktis Holandan Esperanto-Pioniron kaj la propagandan publikaĵon Wereldtaal (esperante: Mondlingvo) kaj partoprenis en nova organizo Nederlanda Esperanto-Asocio (NEA).

Honorigoj[redakti | redakti fonton]

La estraro de LEEN en 1907: Dirk Frans Romein, Uitterdijk (dekstre sidante), Heiman Blok kaj A. M. Valeton.

Referencoj[redakti | redakti fonton]

  1. Sennacieca Asocio Tutmonda (1937-09-25). “Protokolaro pri la XVII-a Kongreso de S.A.T. en Roterdamo (31. VII.- 5. VIII.1937)”, Sennaciulo (eo) 13 (457), p. 68. “La veterano, K-do Dreves Uitterdijk, honora prezidanto de la Kongreso, diras, ke li estis sian tutan vivon liberpensulo, kun rozkolora nuanco.”. 
  2. Naamgeving delen van de openbare ruimte: Limoenhof en Dreves Uitterdijkstraat (Segbroek) (nederlande). Gemeente Den Haag (2015-03-03). Alirita 2018-04-11.

Bibliografio[redakti | redakti fonton]

(1940-09-01) “Nekrologo”, La Praktiko (eo) 9 (105), p. 1.  Foto sur p. 4. Sama foto aperis en (1935-02) La Praktiko (eo) 4 (38), p. 9 okaze de la 70-a naskiĝtago de Uitterdijk.

(1933-03-01) “Biografia skizo”, Esperanto (eo), p. 62. 

(1940-08-01) “Niaj Mortintoj”, Esperanto (eo) 6 (486), p. 50 (10). 

Eksteraj ligiloj[redakti | redakti fonton]