La eŭropaj ĉampionadoj de manpilkado - fakte pli ekzakte kaj pli ĝuste nomeblaj Viraj eŭropaj ĉampionadoj de manpilkado - estas konkursoj de la Eŭropa Manpilkada Federacio (EHF) por determini la plej bonajn virajn manpilkadajn teamojn de Eŭropo. Fakte temas pri du apartaj konkursoj: unu por viroj kaj unu por virinoj. Ili estas aranĝitaj aparte, sed krom tio estas simila. Ili estas unuafoje aranĝitaj en la jaro 1994 - tri jaroj post la fondiĝo de la EHF. Ili okazis ĉiun duan jaron en paraj jaroj. La vira ĉampionado kutime okazas en januaro kaj la virina kutime en decembro. La konkurso ankaŭ estas kvalifiko por la Monda Ĉampionado kaj la Olimpikaj Ludoj. La plej ofte venkinta teamo estas la sveda (4-foje), antaŭ la dana kaj franca teamoj (ambaŭ 3-foje) kaj la germana kaj hispana teamoj (ambaŭ 2-foje).
Komence nur 12 teamoj povas kvalifiki sin por la konkurso. Ekde 2002 partoprenas 16 teamoj. La teamo de la gastiganta ŝtato estas aŭtomate kvalifikata. La konkurso konsistas el tri etapoj. La unua kaj dua estas rondbataloj kaj la tria estas elimina sistemo. En la unua etapo ekzistas kvar grupoj kun po kvar teamoj. Ĉiu teamo ludas po unu ludon kontraŭ la tri samgrupaj teamoj. La tri unuaj teamoj de la klasigo rajtas partopreni en la dua etapo. La lasta teamo estas eliminita. En la dua etapo ekzistas du grupoj kun do nun po ses teamoj. Ili kunprenas la rezultojn, kiun ili gajnis kontraŭ la ankaŭ progresantaj teamoj. La teamoj nun ludas kontraŭ la tri aliaj teamoj de la grupo. La du unuaj klasitaj de la du grupoj kvalifikas sin por la tria etapo. Tie la unuaj klasitaj ludas kontraŭ la duaj klasitaj de la alia grupo en duonfinaloj. La venkintoj ludas en la finalo pri la ĉampioneco.
Svedio
Rusio
Kroatio
Hispanio
Jugoslavio
Germanio
Danio
Slovenio
Francio
Islando
Serbio
Norvegio
Svedio
Danio
Kroatio
