Efim Feofanoviĉ Spiridoviĉ

El Vikipedio, la libera enciklopedio
Saltu al: navigado, serĉo

Efim Feofanoviĉ SPIRIDOVIĈ (naskiĝis en 1891; mortis en 1958) estis belorusa kaj sovetia esperantisto.

Li laboris kiel ĵurnalisto (de 1918) kaj instruisto-lektoro pri politika ekonomio kaj ekonomia geografio. De 1931 li estis scienca laboranto de Moskva kaj Ĥarkova scienc-esploraj institutoj de lingvoscienco. Li esploris la teorion de internacia helpa lingvo laŭ marksisma vidpunkto. Li estis aŭtoro de rusa-esperanta vortaro, 1926 kaj 1928; grava studo ruslingva „Lingvoscienco kaj lingvo internacia,“ 1931, aperinta ankaŭ en japana traduko de Ooŝima Joŝio, kaj multaj artikoloj samtemaj en SEU-gazeto, Sennacieca Revuo, La Nova Etapo. Li aliĝis al la Lingva Komitato en 1929.

Laŭ Nikolaj P. Stepanov, Spiridoviĉ mortis en 1958 en siberia maljunulejo, post multjara restado en punlaborejo.