Epesses

Epesses
Blazono de Epesses
Blazono de Epesses
Epesses: terasa vitejo en Lavaux
Epesses: terasa vitejo en Lavaux
former municipality of Switzerland
Ĝemelurboj Burgdorf BE vd
Kantono	Vaŭdo
Komunumo(j)	Bourg-en-Lavaux
Koordinatoj	46° 29′ 28″ N 6° 44′ 53″ O (mapo)
Nombro de loĝantoj	330 (2007)
Areo	1,6 km²
Alteco	455 m super marnivelo
Poŝtkodo	1098
Mapo de Epesses
Situa mapo de Epesses

Epesses estas iama svisa komunumo en la Kantono Vaŭdo, ĉe la norda bordo de Lago Lemano inter Laŭzano kaj Vevey, malproksima je ĉirkaŭ 10 km oriente de Laŭzano, en viteja regiono de Lavaux. Kun efiko de la 1-a de julio 2011 ĝi estis integrita al la nova komunumo Bourg-en-Lavaux.

Geografio

Epesses situas en la Vitejo de Lavaux, tiu vitejo sur terasoj klasita Monda heredaĵo de Unesko la 28-an de junio 2007. La vitejo de Epesses produktas ĉefe blankan vinon.

Najbaraj komunumoj

La najbaraj komunumoj de la antaŭ komunumo estis Cully, Riex, Forel (Lavaux) kaj Puidoux.

Historio

La unua dokumenta mencio de Epesses datiĝas el la jaro 1166 kiel Espesses.

Dum mezepoko Epesses estis sub la regado de la benedikta abatejo Lutry. Kiam en la jaro 1536 la bernanoj konkeris Vaŭdon, la vilaĝo venis sub la administracio de la voktejo Laŭzano. Dum la tempo de la Helveta Respubliko de 1798 ĝis 1803 la vilaĝo apartenis al la helveta Kantono Lemano, kiu per la mediacia akto en la jaro 1803 estis integrita al la nova Kantono Vaŭdo. Epesses tiam estis atribuita la Distrikto Lavaux.

Surbaze de referendumo de la 17-a de majo 2009, la komunumoj Epesses, Riex, Villette (Lavaux), Cully kaj Grandvaux decidis unuiĝi. El ili kreiĝis la komunumo Bourg-en-Lavaux je la 1a de en julio 2011.

Eksteraj ligiloj

• Oficiala retejo de la komunumo Epesses Arkivigite je 2004-03-27 per la retarkivo Wayback Machine
• Epesses en la Historia Leksikono de Svislando