EsperanTago
| ||||
|---|---|---|---|---|
| Nomo | EsperanTago | |||
| Regiono | Italio | |||
| Periodo | Plurfoje ĉiujare | |||
| Organizanto | Itala Esperantista Junularo | |||
| Ekzistas ekde | 2008 | |||
| Celgrupo | Junularo | |||
| Informa retpaĝo | http://iej.esperanto.it | |||
| Fota retpaĝo | Ĉe PicasaWeb | |||
EsperanTago estas esperantista renkontiĝo unutaga, mastrumata de la Itala Esperantista Junularo en pluraj italaj urboj, okazanta plurfoje ĉiujare, kaj kies celgrupo estas junuloj loĝantaj en Italio kiuj emas alproksimiĝi la italan Esperanto-movadon.
La iniciato estis lanĉata en 2008 kun la celo, ke homoj, kiuj antaŭ nelonge lernis la lingvon kaj ekkonis la movadon, povu renkonti aliajn esperantistojn sen esti devigataj partopreni unusemajnlongan renkontiĝon kiel la Internacia Junulara Festivalo, la nura alia Esperanto-renkontiĝo, kiu kutime okazas en Italio.
Historio[redakti | redakti fonton]
La unua EsperanTago okazis la 22-an de junio 2008 en Bolonjo, danke al kunlaborado de la Bolonja Esperanto-Grupo. Ĝia oficiala nomo estis Eksomera Renkontiĝo – Unua EsperanTago.
La dua renkontiĝo okazis la 22-an de aŭgusto 2008 en Grosseto, samtempe kiel la malfermiĝo de la tiujara Itala Kongreso de Esperanto. Tiam la partoprenantoj estis ofertataj viziton al la etruska tombejo en Roselle, malmulte fore de Grosseto.
La sekvan tagon, la estraro de la Itala Esperantista Junularo anoncis, ke la tria EsperanTago okazu en Lucca, alia urbo en Toskanio, la 2-an de novembro 2008, samtempe kiel la famkonata komiksa festivalo Lucca Comics.
La kvara EsperanTago okazis en Torino la 19-an de junio 2008, al kiu partoprenis 9 Esperantistoj de Milano kaj Torino. Dum la EsperanTago pluraj eventoj pri la 150-a jarreveno de la unuiĝo de Italio okazis.
| Numero | Nomo | Dato | Urbo | Partoprenantoj |
|---|---|---|---|---|
| 1 | Eksomera Renkontiĝo - Unua EsperanTago[1] | 22-a de junio 2008 | Bolonjo | 16 |
| 2 | Finsomera Renkontiĝo - Dua EsperanTago[2] | 22-a de aŭgusto 2008 | Grosseto | 8 |
| 3 | Tria EsperanTago[3] | 2-a de novembro 2008 | Lucca | - |
| 4 | Kvara EsperanTago[4][5] | 19-a de junio 2008 | Torino | 9 |
Referencoj[redakti | redakti fonton]
- ↑ Eksomera Renkontiĝo - Unua EsperanTago [rompita ligilo]
- ↑ Finsomera Renkontiĝo - Dua EsperanTago [rompita ligilo]
- ↑ Tria EsperanTago [rompita ligilo]
- ↑ La venonta EsperanTago okazos dimanĉe, la 19-an de junio, en Torino! La programo haveblas en Vizaĝlibro.
- ↑ Sukcesa EsperanTago en Torino
| ||||||||