Esperanto kaj Libera Scio

Esperanto kaj Libera Scio
	Emblemo de Esperanto kaj Libera Scio
Vikimedia Uzanto-Grupo • esperanto-organizaĵo • civitana asocio
Komenco	4-a de aprilo 2013 vd
Lando(j)	Slovakio vd
Sidejo	Zvolen, Slovakio
Ĉefestro(j)	Michal Matúšov vd
Estr(ar)o	Michal Matúšov
vicprezidanto	Javier Ramos Nistal
Retejo	Oficiala retejo
Jura formo	civitana asocio
	v • d • r

Esperanto kaj Libera Scio (mallonge ELiSo, angle: Esperanto and Free Knowledge) estas grupo de Esperanto-parolantaj vikimedianoj. Fondaĵo Vikimedio, kiu funkciigas libersciajn kunlaborajn projektojn inkluzive de la Vikipedio en Esperanto, agnoskis ELiSon kiel sian oficialan uzantogrupon (angle: Wikimedia User Group) la 4-an de aprilo 2013^[1]. Ĉefa celo de la grupo estas kunigi la Esperanto-parolantojn, kiuj kontribuas al Vikipedio kaj aliaj projektoj de la Fondaĵo Vikimedio aŭ alimaniere deziras subteni liberan scion^[2]. Krome la projekto celas subtenon de Daŭripovaj evoluigaj celoj de Unuiĝintaj Nacioj.

Diferenco inter Vikimedio kaj Vikipedio[redakti | redakti fonton]

Kontraste al vikipediistoj, kiuj precipe kontribuas al Vikipedio, la vikimedianoj organizas movadon iom similan al la Esperanto-movado, kies celo estas disvastigi la uzadon de la vikimediaj projektoj kaj de libersciaj principoj kaj projektoj ĝenerale. Malgraŭ tio, multaj membroj de ELiSo estas samtempe aktivaj vikipediistoj.