Evritanio

El Vikipedio, la libera enciklopedio
Salti al navigilo Salti al serĉilo
situo de Evritanio en Grekio

Evritanio (greke Ευρυτανία respektive Νομός Ευρυτανίας - Nomos Evritanias) estas unu el la 51 grekaj provincoj ("prefektujoj", kiuj greke nomiĝas Νομός, do "nomos"), en la centro de la kontinenta parto de Grekio. La provinco kovras areon de 1.869 km² kaj dum la jaro 2001 havis proksimume 32.000 enloĝantojn. Ĉefa loĝloko estas la urbo Karpenisi. La teritorio apartenas al la administra regiono ("periferio") Meza Grekio.

La provincan pejzaĝon geografie dominas pluraj montaroj. Ebenaĵoj malmultas; nur la riveraj valoj provizas malmultan spacon por agrikulturo kaj pli vastaj loĝlokoj. La teritorio ne bordas la Mediteraneon; la plej proksima marbordo estus tiu de la Ambraka Golfo de la Ionia Maro en ĉ. 30 kilometroj okcidente. Iuj montoj de la suda Pindos-montaro en la nordo kaj nordokcidento de la provinco altas pli ol 2000 metrojn.

Eksteraj ligiloj[redakti | redakti fonton]

Koordinatoj: 38° 57′ norde, 21° 45′ oriente