Federacio Bosnio kaj Hercegovino

El Vikipedio, la libera enciklopedio
Saltu al: navigado, serĉo
La flago de Federacio Bosnio kaj Hercegovino valida ĝis la 28-a de januaro 2007
F bih02.png

Federacio Bosnio kaj Hercegovino (Federacija Bosne i Hercegovine) estas unu el la du partoj de Bosnio kaj Hercegovino, kiuj ekestis per la Interkonsento de Dayton. La alia estas la Serba Respubliko.

La federacio administre dividiĝas al jenaj kantonoj (kanton): Una-Sana, Posavina, Tuzla, Zenica-Doboj, Bosna Podrinje, Centra-Bosna Kantono, Hercegovina-Neretva, Okcidenta Hercegovina Kantono, Sarajevo, Okcident-Bosna Kantono.

Laŭ oficiala takso de 2003-12-31 la federacio havis 2,3 milionojn da loĝantoj, kiuj dividiĝis jene:

  • 1.700.000 bosnianoj (72,9 %)
  • 500.000 kroatoj (21,6 %)
  • 100.000 serboj (4,5 %)
  • 25.000 aliaj (1,0 %)

La federacio uzas flagon, kiu montras grandan blankan kampon inter ruĝa kaj verda strioj; la verda strio simbolas la bosnianojn, la ruĝa la kroatojn. La blanka kampo enhavas la blazonon kun bosnia lilio, kroataj kvadratetoj kaj krono el dek steloj (por la dek kantonoj). La konstitucia kortumo de Bosnio kaj Hercegovino je la 2006-03-31 deklaris tiujn emblemojn kontraŭkonstituciaj, ĉar ili unuflanke elstarigas bosnianojn kaj kroatojn.