Filipio (nomita laŭ Filipo de Makedonio) estis antikva urbo kaj fortikaĵo en Makedonio, ĉe la trakalimo en la ebenon de la rivero Angites. Ĝi troviĝas je ĉirkaŭ 20 km nordokcidente de Kavala apud la vilaĝo Krinides. Ĝi estis fondaĵo de Thassos (grekainsulo), t.e. atenakolonio (ekde 362) kaj nomiĝis laŭ la regiono Krenides aŭ Datos. Kiam Filipo de Makedonio konkeris la urbon kaj la orminejojn en 358 a. K. oni ŝanĝis la nomon kaj pligrandigis ĝin.
Ĉirkaŭ la jaro 49/50 p.K., la apostoloPaŭlo, kune kun Silas, fondis kristanan komunumon en Filipio (La Agoj de la Apostoloj 16:11–40). Ĝi estis la unua kristanisma komunumo, kiun li fondis en Eŭropo. La unua menciita kristano estas Lidia, komercistino pri purpura ŝtofo, devenanta el Tiatiro en Malgrandazio. Kiel ne-juda kredemulo, ŝi jam antaŭe havis kontaktojn kun la juda komunumo. Paŭlo vizitis judan preĝlokon apud la rivero kaj parolis al la virinoj tie kunvenintaj. Lidia kaj ĉiuj membroj de ŝia domanaro baptiĝis sekve de la predikado de la apostolo Paŭlo. Paŭlo verkis la Epistolon al la filipianoj — verŝajne el Romo, kie li estis en mallibereco — ĉirkaŭ la jaro 60.[1]
Peter Pilhofer: Philippi, Band I: Die erste christliche Gemeinde Europas (la unua kristana komunumo en Eŭropo), WUNT 87, Tübingen 1995; Band II: Katalog der Inschriften von Philippi (katalogo de la enskribaĵoj de Filipio), WUNT 118, Tübingen 2000.
Vikimedia Komunejo: Philippi [+]
